მომღერალმა თიკა ჯამბურიამ გადაცემაში „სთორი“-ში საკუთარი ცხოვრების სხვადასხვა ეტაპზე ისაუბრა. ჯამბურიამ საკუთარი თავი მგრძნობიარე ადამიანად დაახასიათა და აღნიშნა, რომ მისთვის შეფასებას ძალიან დიდი მნიშვნელობა აქვს. ასევე ხაზი გაუსვა იმასაც რომ კრიტიკაზე საკმაოდ ემოციურად რეაგირებს.
თიკა ჯამბურია იმ შემთხვევის შესახებაც ისაუბრა, როდესაც თავი უსუსურად იგრძნო.
„ერთმა ბიჭმა ქუჩაში მომაყენა შეურაცხყოფა და გაიქცა. მახსოვს, ერთ-ერთი სავაჭრო ცენტრის კარებში მოხდა ეს ყველაფერი, ჩავიკეცე, ხალხი ისე დაიბნა ირგვლივ, ზოგი მოდიოდა, ზოგი გაეკიდა. მაშინ ვიფიქრე, ამ დროს რა უნდა ვქნა? კაცი ხომ არ ვარ, გავეკიდო და ვცემო. არ მოსწონდა ის, რომ ერთ-ერთი პოლიტიკური პარტიის გულშემატკივარი ვიყავი. ძალიან ცუდი შეურაცხყოფა მომაყენა თან“, – განაცხადა თიკა ჯამბურიამ.
ასევე დაგაინტერესებთ👇
🔵„დამითმია ბურთი და მოედანი „ბლოგერებისთვის“ - ზაზა თელია ფეისბუკ გვერდს აუქმებს
🔵„დაიკრძალება ცოლ-შვილის გვერდით“ - ტრაგედია ვარლამ გოლეთიანის ოჯახში
