ვერაზე დაჭრილი 22 წლის ნიკა კვარაცხელია დღეს, 16 სექტემბერს გარდაიცვალა. ის ხეჩინაშვილის კლინიკაში მკურნალობდა.
ამ ამბავს გამოეხმაურა სოციალურ ქსელში, ფერმერთა ასოციაციის თავმჯდომარე, ნინო ზამბახიძე.
მისი თქმით, მედია საშუალებებს უფრო მეტი ყურადღება მოეთხოვებათ, რადგან ნიკოს დედამ შვილის სიკვდილის ამბავი ტელევიზიით გაიგო.
„უმორჩილესად გთხოვთ ყველა მედიას გაუფრთხილდეთ ერთმანეთს!
მესმის, რომ შეიძლება ექსკლუზივი იყოს მნიშვნელოვანი, მესმის, რომ შეიძლება არ ენდობოდეთ გამოძიებას, მესმის, რომ გინდათ გააშუქოთ რაც ხდება ქვეყანაში მაგრამ:
არ შეიძლება დედამ ნახოს კადრები როგორ ცხრილავენ შვილს! არ შეიძლება დედამ გაიგოს ტელევიზიიდან მისი შვილს გარდაცვალების ამბავი არაა!
წარმოიდგინეთ თქვენი თავი მშობლების ადგილას და მხოლოდ ასე იმოქმედეთ გემუდარებით!
ნიკოს დედამ ასე გაიგო მისი ნიკოს გარდაცვალება და ახლა მოფრინავს, რადგან საქართველოში არ იმყოფებოდა“,- წერს ზამბახიძე.
აგრეთვე წაიკითხეთ:
🔵„იყავით ყურადღებით... არავის ენდოთ“ - მიხეილ ცაგარელი ზოდიაქოს ნიშნებს აფრთხილებს
