6 დეკემბერს, ქართველი ბიზნესმენი, „ლუტეციას“ ჯგუფის დამფუძნებელი ვახტანგ ფხაკაძე კორონავირუსით გარდაიცვალა.
ვახტანგ ფხაკაძის გარდაცველებას სოციალურ ქსელში უამრავი გამოხმაურება მოჰყვა, მისმა გარდაცვალებამ მისი მეგობრები, თანამშრომლები და უბრალო ნაცნობებიც კი დაასევდიანა.
სოციალურ ქსელში, ერთ-ერთი თანამშრომელი ავრცელებს ვახტანგ ფხაკაძის მიერ დაწერილ წერილს, სადაც ის თანამშრომლებს ამხნევებს.
„დილა მშვიდობისა ჩემო მეგობრებო, არ მოიწყინოთ, ჩვენ მალე ისევ ერთად ვიქნებით, შევუდგებით საყვარელ საქმეს კიდევ მეტი ენთუზიაზმითა და რაც მთავარია მეტი სიყვარულით ერთმანეთის მიმართ. ეს დრო კი ოჯახს დაუთმოთ და იმ ადამიანებს ვისაც ყველაზე მეტად ვჭირდებით.
თორემ სხვაგვარად ჩვენ მათთვის ვერ ვიცლით. მრავალი კეთილი და სიყვარულით სავსე დღე გველოდება წინ!
გახსენით გულები და ნუ მოგერიდებათ სრულად გამოაჩინოთ თქვენი მთავარი გრძნობა, სიყვარული. მე თქვენ მიყვარხართ.
მე ვხედავ, რომ ახალი ერა იწყება. კორონავირუსი ეს შედეგია იმ ცხოვრების სტილისა რაც ადამიანებმა აირჩიეს. ესაა ტექნოლოგიების შედეგიც, ის რომ ადამიანი გახდა რობოტი. ახლა კი დროა მუხრუჭები ამოვწიოთ, დავფიქრდეთ, გულებიდან ამოვძირკვოთ სიძულვილი, შური და ბოღმა. გავთავისუფლდეთ ამ საშინელი ვირუსისგან და გამოვიყენოთ მთავარი ვაქცინა სიყვარული გვერდით დგომისა და სოფელიც აშენდება“,- წერდა ვახტანგ ფხაკაძე თანამშრომლებს.
🔘აგრეთვე წაიკითხეთ:
ქალებს დღესასწაულს ყოველდღე ჩუქნიდა - სელებრითები ფხაკაძეს ემშვიდობებიან
