გურული ღვეზელის მომზადება, ალბათ, ყველა ოჯახის საშობაო ტრადიციაა. ჰოდა, საქართველოს პარლამენტის ეროვნული ბიბლიოთეკის გენერალური დირექტორი, გიორგი კეკელიძე სოციალურ ქსელში გვიზიარებს გურული ღვეზელის გურულ რეცეპტს გურულად.
დიახ, ნუ გაგიკვირდებათ გურულად-თქო, რომ აღვნიშნე, კეკელიძე დიდი ემოციურობით იხსენებს ბებიის რეცეპტს და გურული დიალექტის საშუალებით იმაზე მკაფიოდ გადმოსცემს, ვიდრე წარმოსადგენია.
„გურული ღვეზელის გამოცხობის რეცეპტი გურულადვე ჩემგან, მონასმენი და დამახსოვრებული ბებიაჩემისგან:
ფქვილი უნდა ერთი კილო.
ცოტა თუ დააკლდება, მაი აფერი. დროჟი უნდა ერთი სტოლის კობზი. ზუსტად. მარილი სიყვარულის მიხედვით. ზეთი ნახევარი ჩაის ჭიქა გინდებლარიენ. ყველი ჩვეულებრივი.
ახლა რომ შობიენ ფრონცკის, იმფერი არა. ჩვეულებრივი. კარაქიც სიყვარულის მიხედვით, ბევრი არ ჩაადღლიზოთ. რძეი თუ გაქვენ, უქენით, თუ არ გაქვენ, მაინც გამოცხობა უმისმაგისოდ.
ახლა თვითონ გამოცხობა რაფერ უნდა:
ფქვილს დუუმატეთ წყალი, კარგად დუუმიზნეთ, არ მოლაშტროთ სტოლი, მერე მოზილეთ, გააბტყელეთ ცემენტივით, უქენით ყველი, კვერცხი, ახალი მთვარის ფორმა მიეცით, შედევით დუხონკაში და გამეიღეთ, სანამ მთლა დეიწობა.
და ღვეძელიც გამოცხობა.
თქვენი მზარეულთა შორის მზარეული“,- წერს კეკელიძე.
აგრეთვე დაგაინტერესებთ:
