ექიმი რეზიდენტი გიორგი ღოღობერიძე აცხადებს, რომ ძალიან სურს, საქართველოში ბიუჯეტური კლინიკა და აფთიაქი გახსნას, სადაც მოქალაქეებს მაღალი ხარისხის სამედიცინო სერვისის მიღება და მედიკამენტების შეძენა იაფად შეეძლებათ.
ღოღობერიძე ხაზს უსვამს, რომ თუკი სახელმწიფოში პოლიტიკური ნება იქნება, შესაძლებელია როგორც წამლების, ისე სამედიცინო დახმარების მომსახურებაზე ფასების დაწევა.
„პრემიერმა თქვა, ზოგიერთ მედიკამენტზე ფასი ხელოვნურად არის გაზრდილი 300-400%-ო.
აი, 4-5 თვეა შუაზე ვიხევი, რომ ხელმისაწვდომ ფასებზე ორიენტირებული კლინიკა და აფთიაქი გავხსნა
დღეში 2-3 ბიზნესმენს ვხვდები და ტვინს ვუდუღებ, რომ ამ იდეაში ამყვნენ
მთავრობა უბრალოდ დამიდგეს გვერდით, ცოტათი მაინც წამიკრას ხელი და იქნება ისეთი აფთიაქები, სადაც არაფერი გაიყიდება 300-400%-ით ძვირად. ხალხიც სარგებელს ნახავს და სახელმწიფოც იხეირებს
სახელმწიფოს ზღვა რესურსი აქვს და მათ ეს არ დაუჯდებათ ძვირი. ყველა ეტაპს მივხედავ, ყოველგვარი პოლიტიკური და ფინანსური სარგებლის გარეშე.
მე ჩემითაც მივაღწევ ამ მიზნებს, უბრალოდ, რამდენიმე წელი დამეხარჯება და მათი თანადგომით ეს ყველაფერი რამდენიმე თვეში იქნება“, - წერს გიორგი ღოღობერიძე.
აგრეთვე დაგაინტერესებთ:
„ამ ქვეყანას აქვს გამორჩეული თვისებები, რომელსაც ხშირად ჩვენს ნაკლად ვთვლით“ - ნათია ფანჯიკიძე
ვაქცინაცია უკვე უცხო ქვეყნის მოქალაქეებსაც შეუძლიათ - 3 ადგილი, სადაც უცხოელებს აცრიან?
„9 წელია შვილს ველოდები და რომ დამეცვა, 17 კვირის ორსულმა ავიცერი“ – ქეთა გაბუნია
