„შტო ტაკოე ჩიტო-გვრიტო“? პილოტი ვალიკოს ისტორია, ფილმ „მიმინოში“ ხომ ყველას გვახსოვს? ჰოდა, მინდა ამ ფილმის რეჟისორის, გიორგი დანელიას შესახებ მოგიყვეთ.
ადამიანი რომელმაც, ქართულ კინემატოგრაფიაში ახალი ეპოქა შექმნა...
მისი ტრაგიკული ისტორიის შესახებ ბევრმა არ იცის, მან ახალგაზრდა შვილი დაკარგა....
ბიოგრაფია
გიორგი დანელია დაიბადა 1930 წლის 25 აგვისტოს, თბილისში. მამა, ნიკოლოზ დანელია, საგზაო ინჟინრად, შემდეგ მაღაროს უფროსად და საბჭოთა კავშირის მეტრომშენის მთავარ ინჟინრად მუშაობდა; დედა, მერი ანჯაფარიძე, ვერიკო ანჯაფარიძის და წლების განმავლობაში იყო „მოსფილმში” ჯერ ასისტენტად, შემდეგ კი დამდგმელ რეჟისორად.
გიორგი დანელია პროფესიით არქიტექტორი იყო.
სწორედ არქიტექტურული გატაცება დაეხმარა მას რეჟისორულ მუშაობაში.
„პირველადი განათლებით მე არქიტექტორი ვარ და, როგორც ჩანს, ამ კვალის წაშლა შეუძლებელია,”– ამბობს იგი. მისი ფილმების უმეტესობა გია ყანჩელის მუსიკითაა გაფორმებული. გია ყანჩელმა აჩუქა მას ცნობილი მუსიკალური ნაწარმოები ორკესტრისათვის „პატარა დანელიადა”.
ალბათ, ქართული საზოგადოებისთვის ნაკლებად არის ცნობილი ის ფაქტი, რომ მის თითქმის ყველა ფილმში გადაღებულია მისი ყოფილი მეუღლე, ლიუბოვ სოკოლოვა, რომელიც მრავალრიცხოვანი გადაღებებით გინესის რეკორდების წიგნშია შეყვანილი
„მართლა ძალიან ბევრს ვაქსოვ ჩემს ნამუშევრებში და საერთოდ არ ვარ მჭევრმეტყველი. ჩემთვის ქუჩაში გასვლა, ვინმესთან ურთიერთობა და, მით უმეტეს, უაზრო თავყრილობებში მონაწილეობა, საშინელი ტანჯვაა, ჩემი ნება რომ იყოს, სულ კაბინეტში ვიქნებოდი და დავწერდი სცენარებს ან მემუარებს – სათქმელიც ბევრი მაქვს და ასაკიც მავალდებულებს“,- ამბობს ერთ-ერთ ინტერვიუში დანელია.
შეუმდგარი სიყვარულის სიტორია
გია დანელიამ მსახიობ ასმათ ტყაბლაძეს, სიყვარული შესთავაზა....
„სოფიკოსგან ვიცნობდი... ხშირად შევხვედრივარ და ალბათ, მოვეწონე, არ ვიყავი ცუდი გოგო, რაღაცები შემომთავაზა, მაგრამ მე ხუმრობაში გავატარე და დავამთავრე.
ცოტა ხნის მერე მითხრა, არ ყოფილხარ ჭკვიანი გოგო, მსახიობს პატრონი სჭირდებაო. მე ჩემით მივაღიწიე ყველაფერს. ვიცი, ასე მეტს შევძლებდი, უფრო კარგი მსახიობი ვარ, ვიდრე ხალხს ვყავარ ნანახი, მაგრამ მე გათვლითი სიყვარული არ შემიძლია, არ მქონია.
სანამ არ მომეწონებოდა და თვითონ არ მომინდებოდა, ისე არავინ შემიყვარდებოდა“,- იხსენებს ტყაბლაძე ერთ-ერთ ინტერვიუში.
ერთადერთი ვაჟის ისტორია
გია დანელიას ერთადერთი ვაჟი მსახიობმა ლიუბოვ სოკოლოვამ გაუჩინა. ნიკალაი რთული მშობიარობის შედეგად დაიბადა და ექიმებმა მაქსიმუმი გააკეთეს, რომ ახალშობილი გადაერჩინათ.
კინოსამყაროს კარი ნიკალაისთვის ადრეული ბავშვობიდან გაიხსნა. მისი დებიუტი მამის ფილმ „სერიოჟაში“ შედგა და მის შემდეგ არაერთ ფილმში მიიღო მონაწილეობა.
ნიკალაი დანელიამ მამის პროფესია აიჩრია და სარეჟისოროზე ჩააბარა, ორი წლის შემდეგ საბუთები გამოიტანა, თუმცა მოგვიანებით კვლავ რეჟისურას დაუბრუნდა.
გარდაცვალებამდე უმცროსმა დანელიამ ორი მოკლემეტრაჟიანი ფილმის გადაღება მოასწრო.
ნიკალაი ლექსებსაც წერდა...
მან ოჯახი ადრე შექმნა და საყვარელმა მეუღლემ ორი გოგონა – მარგარიტა და ალიონა გაუჩინა.
შვილის გარდაცვალება
გია დანელიას ერთადერთი ვაჟი 1985 წლის 6 დეკემბერს 26 წლის ასაკში გარდაიცვალა.
მისი სიკვდილი დღემდე ბურუსით არის მოცული. უმცროსი დანელიას ცხედარი მამისეული სახლის აივანზე აღმოაჩინეს.
ნიკალაის გარდაცვალების შემდეგ გავრცელდა სხვადასხვა ვერსია, თითქოს ის სექტის წევრი იყო, თითქოს მოკლეს და თითქოს აკრძალულ პრეპარატებსაც იღებდა.
უმცროსი დანელიას სიკვდილის მიზეზი წლების შემდეგაც არაა ცნობილი, რადგან მშობლებმა დუმილი ამჯობინეს....
გამოსალმება რეჟისორთან
რეჟისორი, გიოროგი დანელია 88 წლის ასაკში, 2019 წელს გარდაიცვალა.
როგორც ცნობილია, რეჟისორი შვილის გარდაცვალებას გადაყვა. ვერ აპატია საკუთარ თავს წინ აღდგომოდა დიდ ტრაგედიას.
გავრცელდა ინფორმაცია, რომ ნიკოლაი დანელია ნარკოტიკებს მოიხმარდა. გიორგი კი მუდამ იმის გამო იტანჯებოდა, რომ ვერ შენიშნა შვილის „აცდენილი ცხოვრების“ ნაბიჯები.
ის ამ დიდმა ტრაგედიამ შეიწირა და 88 წლის ასაკში დატოვა წუთისოფელი.
აგრეთვე წაიკითხეთ:
