დღეს, 27 დეკემბერს ქართული ჟურნალისტიკის სახე ჯულიეტა ვაშაყმაძე გარდაიცვალა.
გადაცემა „ნანუკას შოუს“ არქივში ჯულიეტასა და მისი ოჯახის ერთობლივი უნიკალური კადრები მოიპოვება, რომელსაც ნანუკა ჟორჟოლიანი შოუს ოფციალურ გვერდზე აქვეყნებს.
ჟულიეტა ვაშაყმაძე საუბრობს შვილებთან ურთიერთობაზე, თავის პირველ ნაბიჯებზე ტელევიზიაში, ასევე ტელევიზიიდან წასვლის რთულ პერიოდზე.
„მე და ჩემი მეუღლე ხშირად მივდიოდით ტელევიზიაში, ვაკეთებდით იმას, რაც უნდა გაგვეკეთებინა, ვბრუნდებოდით უკან, ბავშვებს მივხედავდით და ისევ ვბრუნდებოდით და ეს დღეში ზოგჯერ რამდენჯერმე ხდებოდა ხოლმე. მგონია, რომ მისმენს გიორგი და ყოველი მათგანი სხვათაშორის, ვერ დავემდურები“ - ამბობს ჯულიეტა ვაშაყმაძე.
ჯულიეტა ვაშაყმაძემ ისაუბრა ტელევიზიის დატოვების შესახებაც და თქვა, რომ ის და მისი მეუღლე ტელევიზიიდან ერთად გამოუშვეს.
„დიდი უსამართლობა იყო, მე იმ ცხრა წელიწადს ვეღარავინ ვერ დამიბრუნებს, იურიდიულ უსამართლობას ვგულისხმობ სხვათაშორის, ამას უკვე მოჰყვება მორალურიც, შემოქმედებითიც, მატერიალური...ხომ წარმოგიდგენიათ რა განცდაა ეს?!“ - ამბობდა ტელეწამყვანი.
კითხვაზე - რომ შესთავაზონ, დაბრუნდება თუ არა ტელევიზიაში, ჟულიეტამ ასე უპასუხა - „სხვათაშორის, ეს ჩემთვის უცხო არ იქნება და მაქვს კიდევაც არაერთი გადაცემა ჩაფიქრებული.“
🔘აგრეთვე წაიკითხეთ:
იგეგმება თუ არა საქართველოში სრული „ლოქდაუნის“ გამოცხადება? - იმნაძის განმარტება
წელიწადზე მეტხანს არ ვლაპარაკობდით, ტიროდა... – როგორი ურთიერთობა ჰქონდა გიორგი გაბუნიას დედასთან
