„დაიჯესტის“ ბლიც-ინტერვიუს მორიგი სტუმარია ექიმი და ტელეწამყვანი ნინო ნადირაძე.
- ყველაზე კარგი რამ, რაც წელს შენს ცხოვრებაში მოხდა...
- შვილიშვილი შემეძინა.
- როდის ხარ ყველაზე ბედნიერი?
- როდესაც ჩემ ირგვლივ ყველა ჯანმრთელად არის.
- რა არის შენი საყვარელი ფრაზა, სიტყვა?
- არასოდეს თქვა არასოდეს.
- რომელია შენი საყვარელი ფერი?
- თეთრი და კრემისფერი.
- რა არის სიყვარული?
- ამ კითხვაზე პასუხი ვერავინ გასცა და მეც გამიჭირდება. არ ვფიქრობ ბევრს ამ საკითხზე, ვიღებ როგორც მოცემულობას. სიყვარული არის სიყვარული და მორჩა.
- რა არის თავისუფლება?
- აბსოლუტური თავისუფლება არ არსებობს. როდესაც ადამიანი გიყვარს, უკვე აღარ ხარ თავისუფალი.
- რა არის მეგობრობა?
- ორი უცხო ადამიანის განსაკუთრებული ურთიერთობა.
- რა იწვევს შენში აღფრთოვანებას?
- უპირობო ერთგულება.
- რისი ხმა გაღიზინებთ?
- დაფაზე ცარცის გასმის ხმა.
- რამ შეიძლება გაგახაროს?
- ჩემი გახარება ძალიან იოლია. ცხოვრება ხანმოკლეა და ვცდილობ ბევრი რამისგან მივიღო სიხარული. ყველაფერი მახარებს. ელემენტარულად ჩემი თანამშრომლის კარგად შესრულებულმა საქმეც კი მაბედნიერებს.
- რა არის ღალატი?
- ღალატი ჩვენი ცხოვრების თანამდევი პროცესია, ისევე როგორც სიყვარული.
- რა თვისებები მოგწონს ადამიანში?
- გამჭრიახობა, როდესაც სხარტად და უცებ იაზრებს ყველაფერს.
- შენი ხასიათის მთავარი შტრიხი...
- მე მეორეული შტრიხები არ მაქვს, ყველა ჩემი ხასიათი მთავარია.
- რა გენატრება ყველაზე მეტად?
- ადამიანები ნიღბების გარეშე.
- რა გწყინს?
- როდესაც მატყუებენ. როცა ადამიანი გატყუებს, ამით ის შენს გონებრივ შესაძლებლობებს აყენებს შეურაცხყოფას.
- რამ შეიძლება აგატიროს?
- საკმაოდ ცივი ვარ, თუმცა ცხოველებზე და ბავშვებზე გული მიჩუყდება ხოლმე.
- ამბავი, რომელმაც ყველაზე დიდი გავლენა იქონია შენზე?
- მამის გარდაცვალებამ შემცვალა. მივხვდი, რომ სიცოცხლეზე მნიშვნელოვანი არაფერია.
- რას კითხავდით ღმერთს თქვენს გადაცემაში რომ მოსულიყო?
- ვცდილობ ისე ვიცხოვრო, რომ ღმერთს შევხვდე და არა სატანას. თუ ღმერთს შევხვდები, ამით ყველაფერი ნათქვამი იქნება და აღარ აქვს მნიშვნელობა, რას მეტყვის ან რას ვეტყვი.
⚪აგრეთვე დაგაინტერესებთ:
სექსიც არის სრულყოფილ ბედნიერებაში, ორგაზმიც და კარგი ღვინოც - ბლიც-ინტერვიუ ცაგარელთან
ყველაზე დიდი ნაკლი... - ბლიც-ინტერვიუ იაგო ხვიჩიასთან
თავისუფლება აზროვნების კატეგორიაა - ბლიც-ინტერვიუ დავით ტურაშვილთან
