დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის ამირან გამყრელიძის განცხადებით, ინფექციის გავრცელებისგან ერთადერთი დამცველი მექანიზმი კვლავ პირბადე და ვაქცინაცია რჩება.
მისი თქმით, ქვეყანაში მოსახლეობის 90% აცრილი რომ იყოს, საკოორდინაციო საბჭო პირბადის მოხსნის გადაწყვეტილებას მიიღებდა.
„თუ არ აიცრა მსოფლიოს 70%, საშიშროება იმისა, რომ გაჩნდეს კიდევ ახალი შტამები, მათ შორის აგრესიული შტამი, ეს არ გამოირიცხება. შოლტი და მათრახი ყოველთვის არ მუშაობს, ყველაზე უკეთესი არის თვითშეგნება. ჩვენი თვითშეგნება უნდა იყოს, რომ პირბადე ჯერჯერობით ვატაროთ, იმიტომ, რომ აცრის მაჩვენებელი მაღალი არ გვაქვს.
ჩვენ რომ 90% გვყავდეს აცრილი, ისევე როგორც დანიას აქვს, მალტას აქვს, როგორც პორტუგალიას აქვს, თავისუფლად საბჭო მიიღებდა გადაწყვეტილებას, რომ ესეც მოიხსნას. ერთადერთი დამცველი საშუალება დღეს ჩვენთვის არის პირბადე და მეორე არის აცრა“, - აცხადებს ამირან გამყრელიძე.
აგრეთვე დაგაინტერესებთ:
