დროთა განმავლობაში კორონავირუსმა მუტაცია განიცადა და დღეს მსოფლიოში რამდენიმე ახალი შტამი დომინირებს. ერთ-ერთი ასეთი „ომიკრონია“, რომელიც ბოლო პერიოდში გავრცელდა.
პანდემიის დასრულებასთან დაკავშირებით ვერსიები სხვადასხვაა. ზოგიერთი ექსპერტი „ომიკრონს“ პანდემიის დასასრულად მიიჩნევს, ზოგი კი გავრცელებულ მოსაზრებას ეწინააღმდეგება და ამბობს, რომ როდის გამოჩნდება „ახალი ომიკრონი“, არავინ იცის.
რესპუბლიკური საავადმყოფოს კლინიკური დირექტორის თქმით, იმისთვის, რომ პანდემია დასრულდეს, აუცილებელია ვაქცინაცია და რეკომენდაციების ზედმიწევნით დაცვა.
„ნუ ვენდობით ამ ციფრებს და ნუ წაგვახალისებს ეს ციფრები. ჩვენ უნდა ვიყოთ მუდმივ მზადყოფნაში, ფხიზლად არ ვართ არაფრისგან დაცულები. თითოეული ვირუსი შეიცავს 30-დან 50-მდე, ან მეტ მუტაციას. ამიტომ იმის გარანტია, რომ ეს დასრულდება, ამას წინასწარ ვერავინ იტყვის. ვერცერთი კვლევა და საერთაშორისო ორგანიზაცია ვერ დაადასტურებს იმას, რომ კორონავირუსი ისე დასრულდება, მომავალში რაღაც ახალს არ მოგვცემს. უსაფრთხოების წესები უნდა დავიცვათ, რომ მაქსიმალურად მარტივად გადავაგოროთ ყველა მომავალი მუტაცია“, - აცხადებს დევი ტაბიძე.
აგრეთვე წაიკითხეთ:
