„იშვიათი 6 პლანეტის განლაგება ახლოვდება! 2026 წლის ერთ-ერთი ყველაზე შთამბეჭდავი ციური მოვლენა უკვე კარს მოგვადგა“, - აღნიშნულ საკითხზე ვრცელ პოსტს ეზოტერიკოსი და მინეროლოგი თამუნა იოსელიანი აქვეყნებს:
„12 აგვისტოს მერკური, მარსი, იუპიტერი, სატურნი, ურანი და ნეპტუნი გამთენიისას ცაზე თითქმის ერთ ხაზზე გამოჩნდებიან და უნიკალურ პლანეტურ აღლუმს შექმნიან.
ამ პლანეტებიდან მერკური, მარსი, იუპიტერი და სატურნი შეუიარაღებელი თვალითაც იქნება ხილული, ხოლო ურანისა და ნეპტუნის დასაკვირვებლად ბინოკლი ან ტელესკოპი დაგჭირდებათ.
ეს მხოლოდ დასაწყისია — იმავე კვირაში ახალი მთვარეც იქნება, პერსეიდების მეტეორული ნაკადი აქტიურობის პიკს მიაღწევს, ხოლო მსოფლიოს გარკვეულ რეგიონებში მზის სრული დაბნელებაც მოხდება.
ამიტომ 2026 წლის აგვისტო ცის დამკვირვებლებისთვის ერთ-ერთი ყველაზე გამორჩეული თვე იქნება.
თუ ამ სანახაობის ხილვა გსურთ, 12 აგვისტოს მზის ამოსვლამდე გაიღვიძეთ, მოძებნეთ ღია აღმოსავლეთის ჰორიზონტი და დატკბით ამ იშვიათი ციური წარმოდგენით“, - წერს თამუნა იოსელიანი.
⭕ ასევე დაგაინტერესეთ:
