ასტროლოგები მიმდინარე კვირისთვის ასახელებენ, რომელი დღეები იქნება ყველაზე იღბლიანი, როდისაა ემოციური არასტაბილურობა მოსალოდნელი და რომელ დღეებში ჯობს, შედარებით ფრთხილად ვიყოთ:
31 მარტი
ამ დღეს შეეცადეთ, საყვარელ ადამიანებთან ერთად ბევრი დრო გაატაროთ და მშვიდად იყოთ. შესაძლოა, დღის განმავლობაში რამდენჯერმე საკუთარი თავის დაცვა მოგიწიოთ და კიდევ ერთხელ დაფიქრდეთ, თუ რამდენად მნიშვნელოვანია პირადი საზღვრების დაწესება. ასტროლოგები გვირჩევენ, რომ აღნიშნულ დღეს ყურადღება მივაქციოთ ყველაფერს, რაც მემკვიდრეობას ეხება, როგორც მატერიალურს, ასევე სულიერს.
1-ელი მარტი
კომუნიკაციისა და თანამშრომლობისთვის შესანიშნავი დღეა. თუკი თანამოაზრეებთან ერთად რაიმეს წამოიწყებთ ან ახალ მოკავშირეებს იპოვით, წარმატების გაცილებით მეტი შანსი გექნებათ.
2 აპრილი
ამ დღეს თითოეული ადამიანი საკუთარ თავში განსაკუთრებულ შთაგონებასა და მოტივაციას იპოვის, რაც მოგცემთ საშუალებას, დაიწყოთ რაღაც ახალი ან საბოლოოდ დაასრულოთ ის, რაც დიდი ხანია, გაწუხებთ. კონცენტრირდით იმ მიზნებზე, რომელთა განხორციელებაც მთელი გულით გსურთ და გადადგით პირველი ნაბიჯები. როგორც ასტროლოგები ამბობენ, აღნიშნული დღის ენერგია წარმატების მოზიდვაში დაგეხმარებათ.
3 აპრილი
ეს დღე ემოციურად ბევრი ადამიანისთვის რთული იქნება და შესაძლოა, მომატებული შფოთვა და დაძაბულობა იგრძნოთ. ასტროლოგების მთავარი რჩევაა, რომ არ მიიღოთ ნაჩქარევი გადაწყვეტილებები და არ ჩაერთოთ კონფლიქტურ სიტუაციაში. ეს დღე თითოეული ჩვენგანისგან მოთმინებასა და გააზრებულად მოქმედებას მოითხოვს. სხვა შემთხვევაში, შესაძლოა, არასასურველი შედეგები მივიღოთ.
4 აპრილი
ენერგიის დაქვეითება, მომატებული შფოთვა, ემოციურობა - ამ დღეს მნიშვნელოვანია, მოვუსმინოთ საკუთარ თავს და არ გავაკრიტიკოთ... ხანდახან, ემოციურად რთული დღეები გვეხმარება, რომ განვლილ დღეებზე კიდევ ერთხელ დავფიქრდეთ და სამომავლო გეგმებიც შევადგინოთ. ამიტომ, თუკი ამ დღეს რაიმე არ გამოგივათ, წარუმატებლობა გაკვეთილად გადააქციეთ. შეისვენეთ, განიტვირთეთ და მოტივაციას კვლავ იპოვით.
5 აპრილი
ეს დღე სიფრთხილესა და მოქნილობას მოითხოვს. შესაძლოა, ურთიერთობები, კომუნიკაცია გაგვიჭირდეს და კონფლიქტურ სიტუაციაშიც კი აღმოვჩნდეთ. ამიტომაც, ასტროლოგები გვირჩევენ, რომ თითოეული სიტყვისა და ქმედების წინ კარგად დავფიქრდეთ. ასევე, ყურადღება მიაქციეთ შემომავალ ზარებს, გარკვეულ მინიშნებებს. შესაძლოა, მნიშვნელოვანი ინფორმაცია შეიტყოთ.
6 აპრილი
შეეცადეთ, ამ დღეს საკუთარ თავთან განმარტოვდეთ და დრო დასვენებას დაუთმოთ. ნუ შეეწინააღმდეგებით თქვენს თავს, თუ აღნიშნულ დღეს გეგმის მიხედვით ვერ წარმართავთ. გაჩერდით, დაისვენეთ, მოუსმინეთ საკუთარ თავს, დაფიქრდით იმაზე, თუ რა გიშლით ხელს ბედნიერებასა და წარმატებაში. განიტვირთეთ და მომდევნო კვირა ახალი ძალითა და შემართებით დაიწყეთ.
⭕ ასევე დაგაინტერესებთ:
🎥 „წამომყევით ევროვიზიის გადაღებაზე...“ - მარიამ შენგელიას ვლოგი ჟენევიდან
⭕„მეოთხმოცე გაზაფხული...“ - გივიკო დიდია ბებიას იუბილეს ემოციურად ულოცავს
🎥 მეორედ გადახდილი ქორწილი 15 წლის თავზე - შორენასა და დავითის სიყვარულის ისტორია
წყარო: www.beaumonde.ge
