ჯგუფ „მიქსტურას“ ვოკალისტი, მომღერალი მარიამ შენგელია საქართველოს „ევროვიზია 2025-ზე“ წარადგენს.
საქართველოს საზოგადოებრივ მაუწყებელმა უკვე გამოაქვეყნა საკონკურსო ნომერიც, რასაც დიდ სცენაზე ვიხილავთ. სიმღერას, რომელსაც მარიამ შენგელია კონკურსზე წარადგენს FREEDOM ჰქვია.
საზოგადოებრივი მაუწყებელი ამჯერად მარიამ შენგელიას ვლოგს აქვეყნებს, საიდანაც ვიგებთ რომ მომღერალი ჟენევაშია და კონკურსისთვის აქტიურად ემზადება. კადრებიდან ჩანს, რომ მარიამმა კონკურსის სხვა მონაწილეებიც გაიცნო და დაუმეგობრდა კიდეც მათ.
ცნობისთვის, ევროვიზია 2025 შვეიცარიის ქალაქ ბაზელში 13, 15 და 17 მაისს გაიმართება. საქართველოს წარმომადგენელი, მარიამ შენგელია ევროპის წინაშე 15 მაისს, მეორე ნახევარფინალში წარდგება.
მარიამ შენგელია პირველი არხის ორი პროექტის – „საქართველოს ვარსკვლავის“ და „ვოისის“ მონაწილეა.
მომღერალი 2020 წელს ევროვიზიაზე საქართველოს წარმომადგენლის, თორნიკე ყიფიანის ბექვოკალისტი იყო. კონკურსი კოვიდპანდემიის გამო გაუქმდა.
სიმღერა Freedom (თავისუფლება) ქეთი გაბისიანმა დაწერა, ხოლო ტექსტი ბუკა კარტოზიას ეკუთვნის. მუსიკალური კლიპი კახა ბუხრაშვილმა გადაიღო, კოსტიუმის დიზაინზე იზა ნადარეიშვილმა, კლიპის მხატვრობაზე კი შაკო პოპიაშვილმა და ნინო წულაიამ იმუშავეს. ვიდეორგოლში ასევე მონაწილეობა მიიღეს სიმღერისა და ცეკვის სახელმწიფო ანსამბლ „ერისიონის“ მოცეკვავეებმა და გია ყანჩელის სახელობის თბილისის ახალგაზრდულმა ორკესტრმა.
⭕ ასევე დაგაინტერესებთ:
⭕„მეოთხმოცე გაზაფხული...“ - გივიკო დიდია ბებიას იუბილეს ემოციურად ულოცავს
🎥 მეორედ გადახდილი ქორწილი 15 წლის თავზე - შორენასა და დავითის სიყვარულის ისტორია
⭕„არ შეიძლება მკვდარი იყოს ის, ვინც გაცოცხლებს...“ - გია მურღულია საინტერესო პოსტს აქვეყნებს
