30 ნოემბრამდე პლანეტა მერკური რეტროგრადულად იმოძრავებს. ეს საკმაოდ საყურადღებო ასტროლოგიური მოვლენაა და კომუნიკაციასა თუ ყოველდღიურ საქმიანობაში არაერთ დაბრკოლებას ქმნის.
უფრო კონკრეტულად, რეტროგრადული მერკურის დროს კომუნიკაცია გართულებულია, გაუგებრობების, კამათის რისკი იზრდება, ტექნიკური გაუმართაობა გახშირებულია, ამავდროულად, გზებზე შეფერხებებიცაა მოსალოდნელი.
გარდა ამისა, ადამიანებს იმ ამოცანების გადაჭრა, რასაც იქამდე უპრობლემოდ აკეთებდნენ, შედარებით უჭირთ და ენერგიის ნაკლებობასაც განიცდიან.
ფსიქოლოგი, ნუმეროლოგი და ბედის მატრიცის სპეციალისტი თათია გარანიძე სოციალურ ქსელში ვიდეომიმართვას ავრცელებს, სადაც საზოგადოებას აფრთხილებს, რომ მერკურის რეტროგრადულობის დროს არანაირი ტექნიკა არ შეიძინონ:
„30 ნოემბრამდე რეტროგრადული მერკური გვექნება.
იცოდეთ, რომ ამ პერიოდში სასტიკად არ არის რეკომენდებული იმ ყველაფრის შესყიდვა, რაც ტექნიკას, კომუნიკაციის საშუალებას უკავშირდება.
რეტროგრადული მერკური ეს არის „უკუმავალი პლანეტა“ და ამ დროს ყველაფერი გართულებულია, რაც ტექნიკას, კომუნიკაციას უკავშირდება. ამ დროს ნაყიდი, შეძენილი ნივთები დიდი ხანი არ გაძლებს.
კარგია ისეთი რაღაცების შეძენა, რაც ტექნიკას არ უკავშირდება. ეს შეიძლება იყოს კურსები, მომსახურება, რაც ფიზიკური არ არის“, - ამბობს თათია გარანიძე.
ასევე დაგაინტერესებთ:
