ასტროლოგ მიხეილ ცაგარელის განცხადებით, აპრილის თვე, მთლიანობაში, პოზიტიურ გარდაქმნებს გვპირდება. თუმცა, მისივე პროგნოზით ამასთანავე, კონკრეტულ პერიოდებში მოსალოდნელია მთელი რიგი სირთულეები, რომლისთვისაც მზად უნდა ვიყოთ.
„6 აპრილის სავსემთვარეობის შემდეგ დედამიწის ბიოსფერო აღმოჩნდება სასიკეთო კოსმიური გავლენის ზონაში.
12 აპრილიდან წარმატების პლანეტა იუპიტერი შეუერთდება მზეს, ხოლო პლანეტა მერკური სახლს დაიდებს ვერძის ზოდიაქოში.
იმავდროულად, კირჩხიბის ნიშანში მოძრავი აქტიური პლანეტა მარსი, ზემოთ ჩამოთვლილ პლანეტებთან ერთად, გამოათავისუფლებს ენერგიას, რომელიც ხელს შეუწყობს ოჯახის კეთილდღეობას, სასიყვარულო და პარტნიორული ურთიერთობების დალაგებას.
ასევე, ეს დრო კარგია უძრავ ქონებასთან, მიწის ნაკვეთებთან, მშენებლობასა და რემონტთან დაკავშირებული საკითხების მოსაგვარებლად.
მაგრამ ყველა მნიშვნელოვანი გეგმა სასურველია, განხორციელდეს 13 აპრილამდე, რადგან შემდგომ სიტუაცია გაუარესდება.
14-იდან 21 აპრილამდე დროის მონაკვეთში, უარყოფითი ენერგეტიკული ზემოქმედება გამოიწვევს კონფლიქტებსა და წარუმატებლობას.
საზოგადოებაში მოსალოდნელია მღელვარება.
შესაძლოა, ადგილი ჰქონდეს აგრესიულ გამოვლინებებსაც. არაა გამორიცხული, სახალხო გამოსვლები, მიტინგები, გაფიცვები. ამ პერიოდში არ არის რეკომენდებული მივლინებები და შორეული მოგზაურობები, რადგან იზრდება გაუთვალისწინებელი შემთხვევები, საჰაერო და სარკინიგზო მოძრაობის შეფერხება, სხვადასხვა სახის ავარიები, უმიზეზო კონფლიქტები და სერიოზული პრობლემები. უფრო მშვიდი აღმოჩნდება 21 აპრილის შემდგომი პერიოდი, ამიტომ ყველა მნიშვნელოვანი საქმე, ჩანაფიქრის განხორციელება ან მოგზაურობა სასურველია, ამ პერიოდისთვის დაიგეგმოს.
20 რიცხვიდან მზე გადაინაცვლებს კუროს ზოდიაქოში, რაც უმეტესობა ზოდიაქოს ნიშნების წარმომადგენლების ფსიქოემოციურ მდგომარეობას გააწონასწორებს და ნორმაში მოიყვანს“,- განაცხადა მიხეილ ცაგარელმა.
ასევე დაგაინტერესებთ:
წყარო: tbiliselebi.ge
