ასტროლოგი რამაზ გიგაური სოციალურ ქსელში ვრცელ სტატუსს აქვეყნებს და მზის მერწყულის ნიშანში გადასვლაზე საუბრობს. როგორც თავად წერს, 20 იანვარს, თბილისის დროით შუაღამეს მზე მდებარეობას შეიცვლის. ეს განლაგება მიანიშნებს, რომ ეგო, რომელიც მზეს წარმოადგენს, უნდა მოერგოს ფართო ჰუმანიტარულ იდეალებს, ხოლო ინდივიდუალური მიზნები გლობალურ პერსპექტივაში დაინახოს.
„20 იანვარს, თბილისის დროით, ზუსტად შუაღამისას, მზე მერწყულის ზოდიაქოში გადაინაცვლებს.
მზე - მერწყულში ასტროლოგიური თვალსაზრისით, ინდივიდუალურობის, თავისუფლების, მომავლის ფორმირების და კოლექტიური ცნობიერების დახმარებით პროგრესის მიღწევის სიმბოლოა. ეს განლაგება მიანიშნებს, რომ ეგო, რომელიც მზეს წარმოადგენს, უნდა მოერგოს ფართო ჰუმანიტარულ იდეალებს, ხოლო ინდივიდუალური მიზნები გლობალურ პერსპექტივაში დაინახოს.
ეზოტერულად, მზე მერწყულში აისახება, როგორც სულიერი ზრდის, ინტუიციისა და კარმული მისიის აღსრულება.
მერწყული დაკავშირებულია სამყაროსთან შინაგანი კავშირის გაღრმავებასთან, ხოლო მზე აქ იწვევს შინაგანი „მე"-ს და კოლექტიურ სიბრძნეს შორის ბალანსის ძიებას. ის ინდივიდს მოუწოდებს, მიატოვოს კონფორმიზმი და გაბედოს არაჩვეულებრივზე, უჩვეულოზე, ორიგინალურზე დაფიქრება.
ეს არის დრო, როცა ადამიანი საკუთარ მიკროსამყაროს და გარე სამყაროს შორის უხილავი ხიდის შენებას იწყებს.
ფსიქოლოგიურად, მზე მერწყულში ხაზს უსვამს დამოუკიდებლობის და შემოქმედებითობის მნიშვნელობას. ამ დროს ადამიანი მიდრეკილია საკუთარი თავის და იდენტობის გამოხატვის უნიკალურ გზებზე ფიქრისკენ, თუმცა ამავე დროს შეიძლება ჰქონდეს განცდა, რომ სხვებისგან მოწყვეტილი და იზოლირებულია. მზის ამ პოზიციას ხშირად მოაქვს კონფლიქტი პირად თავისუფლებასა და საზოგადოებრივ პასუხისმგებლობას შორის, რაც ერთდროულად გამოწვევაც არის და შესაძლებლობაც.
მერწყულის მზის ენერგია ხშირად გვაჩვენებს, როგორ შეიძლება ინდივიდუალური ხედვა ემსახუროს კოლექტიურ სიკეთეს.
პოზიტიური თემები:
1. ინოვაცია და პროგრესი:
* ტექნოლოგიური და სამეცნიერო მიღწევები, განსაკუთრებული ყურადღება ხელოვნურ ინტელექტზე, კოსმოსურ გამოკვლევებზე და ციფრული სფეროს განვითარებაზე.
* ტექნოლოგიური კონფერენციების და გამოფენების წამოწყება.
2. თანასწორობა და ჰუმანიზმი:
* საპროტესტო მოძრაობები, რომლებიც მიმართულია სოციალურ სამართლიანობასა და ადამიანის უფლებების დაცვაზე.
* სოციალურ საკითხებზე ყურადღების გამახვილება (სიღარიბის შემცირება, თანასწორობის განმტკიცება).
3. კოლექტიური ცნობიერება:
* საზოგადოებების გაერთიანება საერთო მიზნების მისაღწევად.
* ქსელური და გუნდური მუშაობის გაძლიერება.
4. საზოგადოებრივი რეფორმები:
* პოლიტიკური და სამოქალაქო სისტემების მოდერნიზაცია.
* ახალგაზრდული მოძრაობების აქტივიზაცია და ახალი იდეების მხარდაჭერა.
ნეგატიური თემები:
1. დისტანცირება და იზოლაცია:
* ზედმეტი ფოკუსი ციფრულ სამყაროზე, რაც იწვევს ემოციურ და სოციალურ იზოლაციას.
* ადამიანებს შორის ტექნოლოგიების გამო კავშირების დასუსტება.
2. არასაჭირო რეფორმები:
* მოულოდნელი და არაპროგნოზირებადი ცვლილებები, რომლებიც საზოგადოებებისთვის შოკის მომგვრელი შეიძლება იყოს.
* კონფლიქტები ახალ და ძველ იდეოლოგიებს შორის.
3. ანარქიზმი და აჯანყებები:
* პოლიტიკური სისტემების წინააღმდეგ ამბოხი, რომელიც შეიძლება ქაოსში გადაიზარდოს.
* სოციალური ჯგუფების გაუცხოება ერთმანეთისგან.
4. უსაფრთხოების სისტემების კრიზისი:
* ტექნოლოგიური სისტემების გაწყვეტის ან კიბერშეტევების საფრთხე.
- მზის ასპექტები -
მზე-პლუტინი: შეერთება
ეს შეერთება გლობალურ დონეზე მძლავრი ტრანსფორმაციული პროცესების სიმბოლოა. პლუტონი მოაქვს ძალაუფლების, კრიზისისა და რეგენერაციის თემები. ამ დროს სახელმწიფოს ხელმძღვანელებსა და ძლიერ ფიგურებს შეიძლება ჰქონდეთ გადამწყვეტი გავლენა მსოფლიო სცენაზე. შეერთება მიანიშნებს, რომ მიმდინარე ცვლილებები ფუნდამენტურია და შესაძლოა გულისხმობდეს ძველი სტრუქტურების დაშლასა და ახალი სისტემების შექმნას.
მზე-მარსი: ოპოზიცია
მზე-მარსის ოპოზიცია გლობალურ დონეზე მიანიშნებს პოტენციურ დაძაბულობას, კონფლიქტებსა და აგრესიულობას. ეს ასპექტი შესაძლოა გამოიხატოს ახალ სამხედრო კონფლიქტებში ან სახალხო პროტესტებში. მნიშვნელოვანია, რომ ძალაუფლების მქონე პირებმა ენერგია კონსტრუქციულ მიმართულებებში მიმართონ და თავიდან აიცილონ ზედმეტი აგრესია ან დაპირისპირება.
მზის გავლენა ზოდიაქოს ნიშნებზე
მზე მერწყულში თავისი ენერგიით სხვადასხვაგვარად მოქმედებს ყველა ზოდიაქოს ნიშანზე. მისი სასიკეთო და არასასიკეთო გავლენები ასეთია:
პოზიტიური გავლენა:
• ტყუპი და სასწორი (ჰაერის ნიშნები):
* მათთვის მზის მერწყულში ინგრესიას მოაქვს ენერგიის გაძლიერება, რაც თავის მხრივ, ახალი იდეების და შთაგონების წყარო ხდება.
* ურთიერთობების გაფართოება და ახალი კონტაქტების დამყარება.
* სწავლის და კომუნიკაციის სფეროში წარმატება.
• მერწყული:
* მათი პირადი ენერგია და ავტორიტეტი იზრდება.
* ყურადღების ცენტრში ყოფნა და ლიდერობის შესაძლებლობა.
* კარგი დროა საკუთარი გეგმების განხორციელებისთვის.
• მშვილდოსანი და ვერძი (ცეცხლის ნიშნები):
* მერწყულის მზე მათ უქმნის ახალი მიმართულებების და შესაძლებლობების აღმოჩენის პოტენციალს.
* მოგზაურობა, სწავლა და კარიერული მიზნების მიღწევა.
ნეგატიური გავლენა:
• ლომი:
* მზის ოპოზიცია მერწყულიდან იწვევს ენერგიის სუსტებას და პირად დაპირისპირებებს.
* ყურადღების ნაკლებობა, კრიტიკულობისა და აგრესიულობის გაზრდა.
• კურო და მორიელი (ფიქსირებული ნიშნები):
* მზის კვადრატი მათთვის სირთულეებს ქმნის სტაბილურობის შენარჩუნებაში.
* მოულოდნელი (შესაძლოა არასასიამოვნო) ცვლილებები ფინანსებსა და პირად ცხოვრებაში.
• თევზები და თხის რქა:
* მერწყულის ენერგია შესაძლოა მათთვის მეტისმეტად ინტელექტუალური და ნაკლებად ემოციური იყოს, რაც გამოიწვევს დისტანცირების განცდას.
* ორგანიზებულობისა და პრაქტიკულობის პრობლემები.
ნეიტრალური გავლენა:
• კირჩხიბი და ქალწული:
* ეს ნიშნები შეიძლება არ განიცდიდნენ მერწყულის მზის პირდაპირ გავლენას, თუმცა პერიოდები, როდესაც მზე დადებით ასპექტებს შექმნის მერკურთან და ნეპტუნთან შეიძლება ამ ნიშნებისთვის სასარგებლო აღმოჩნდეს.
* კარგი დრო პროექტების ორგანიზებისთვის და დეტალებზე მუშაობისთვის“, - წერს რამაზ გიგაური.
ასევე დაგაინტერესებთ:
⭕2025 წლის 2 ყველაზე რთული თვე, როდესაც შესაძლოა, სხვადასხვა დაბრკოლება და უსიამოვნებები შეგვხვდეს
