22 სექტემბერი ინტუიციის, შეთავაზებებისა და მნიშვნელოვანი შეთანხმებების დღე!
ჩემო ძვირფასებო, დღევანდელი ენერგიებია 4 • 5 • 9. ამასთან, რიცხვი 22, ორ ორიანს შეიცავს. ამიტომ დღე აქტიურ მოქმედებას გვიბიძგებს, მაგრამ ინტუიციის მოსმენაც განსაკუთრებით მნიშვნელოვანია.
ყურადღება მიაქციეთ პირველ აზრს, რომელიც თავში მოგივათ. გაიხსენეთ სიზმრები და მოუსმინეთ საკუთარ შეგრძნებებს. დღეს ინტუიციამ შეიძლება ის გიკარნახოთ, რასაც ლოგიკით ჯერ ვერ ხედავთ.
დღეს შესაძლოა მიიღოთ საინტერესო შეთავაზება, თანამშრომლობის წინადადება ან ვინმესთან მნიშვნელოვან საკითხზე შეთანხმდეთ. შეიძლება, საჭირო დროს საჭირო ადგილას აღმოჩნდეთ.
თუ დილიდან უმოქმედოდ დარჩებით, ეჭვებმა და შფოთვამ შეიძლება შეგიპყროთ. ნუ მისცემთ სხვების წარუმატებელ გამოცდილებას უფლებას, საკუთარი შესაძლებლობები დაგავიწყოთ.
აიღეთ კალამი და ფურცელი. დაწერეთ, რისი მიღწევა გსურთ, რაზე ოცნებობთ და რა გადაწყვეტილების მისაღებად ხართ მზად. აზრების ჩამოწერა ხშირად სიცხადის პოვნაში გვეხმარება.
დღის განმავლობაში საკუთარ თავს უთხარით: „მე წარმატებული ვარ“, „მე ფინანსურად ძლიერი ვარ“, „ყველაფერი გამომივიდა“, „შეთანხმებას ადვილად მივაღწიე“, „საჭირო დროს საჭირო ადგილას ვხვდები“.
ენდეთ ინტუიციას და იმოქმედეთ. დღეს სწორედ ამ ორის შერწყმა დაგეხმარებათ კარგი შედეგის მიღწევაში.
იყავით საყვარლები, წარმატებულები და ბედნიერები!
დაე, დღევანდელმა დღემ საჭირო ადამიანებთან, სასიამოვნო შეთავაზებებთან და ახალ შესაძლებლობებთან მიგიყვანოთ.
⭕ ასევე დაგაინტერესებთ:
⭕21-27 სექტემბრის ასტროლოგიური პროგნოზი ზოდიაქოს ყველა ნიშნისთვის: რას გიმზადებთ კვირა?
🎥 თბილისში 6 არასრულწლოვანი დააკავეს - „მიყენებულმა ზარალმა 30 000 ლარს გადააჭარბა“
