ეზოტერიკოსი, ნუმეროლოგი, ტაროლოგი და ბიოენერგეტიკოსი, რომელსაც სოციალურ ქსელში Abagael Bug-ის სახელით იცნობენ, სოციალურ ქსელში იმ მცენარეებზე საუბრობს, რომლის საძინებელში განთავსებაც ენერგიას გვართმევს.
მისი თქმით, ყველა მცენარე არ არის ჩვენი მეგობარი, განსაკუთრებით საძინებელში. ზოგიერთი მათგანი იკვებება ადამიანის ბიოველით:
„ლამაზი, მაგრამ საშიში - რომელი ყვავილი გვართმევს ენერგიას?
სახლში მცენარეების ყოლა „ტრენდულია“, მაგრამ ფენ-შუი და ბიოენერგეტიკა გვაფრთხილებს: ყველა მცენარე არ არის ჩვენი მეგობარი, განსაკუთრებით საძინებელში. ზოგიერთი მათგანი იკვებება ადამიანის ბიოველით.
მაგალითად, პოპულარული მონსტერა და სურო, ასევე ხვიარა მცენარეები, ითვლებიან ენერგო-ვამპირებად. ისინი იდეალურია ოფისებში (სადაც ბევრი ქაოსია და ისრუტავენ ნეგატივს), მაგრამ სახლში, სადაც ისვენებთ, მათმა სიახლოვემ შეიძლება გამოიწვიოს უძილობა და დაღლილობა.
გადახედეთ თქვენს მწვანე კუთხეს:
საძინებელში: დადგით სპატიფილუმი („ქალური ბედნიერება“) ან იები. ისინი აბალანსებენ ემოციებს და ხელს უწყობენ ჰარმონიას.
კაქტუსები: არასდროს დადოთ კაქტუსი საწოლთან ახლოს. მისი „ეკლიანი“ ენერგია იწვევს აგრესიას პარტნიორებს შორის. კაქტუსის ადგილი კომპიუტერთან ან ფანჯრის რაფაზეა (როგორც ფარი).
გამხმარი ყვავილები: დაუყოვნებლივ გადაყარეთ გამხმარი ან დამჭკნარი მცენარეები. ეს არის „მკვდარი ენერგია“.
შეარჩიეთ მწვანე მეგობრები გონივრულად“, - წერია გავრცელებულ ინფორმაციაში.
ასევე დაგაინტერესებთ:
