როგორი იქნება 8-14 დეკემბრის კვირა ზოდიაქოს თითოეული ნიშნის წარმომადგენლისთვის

♈ ვერძი

გრძნობების გამოხატვის ნუ შეგეშინდებათ. ახალი ნაცნობობისთვის ძალიან კარგი პერიოდია. ასევე, თუ უკვე ურთიერთობაში ხართ, შესაძლოა, თქვენს გრძნობებსა და ემოციებში საბოლოოდ ჩამოყალიბდეთ. ხელსაყრელი პერიოდია პაემნებისთვის, შემოქმედებითი თვითგამოხატვისთვის, გასართობი და კულტურული აქტივობებისთვის, სპორტული ღონისძიებებისა და პრეზენტაციებისთვის. ნებისმიერ საჯარო აქტივობას შეუძლია, დიდი წარმატება და ყურადღება მოგიტანოთ. 

♉ კურო

ძალიან დიდ ენერგიასა და მოტივაციას იგრძნობთ. იდეალური დღეებია დოკუმენტების ორგანიზებისა და ეფექტური სამუშაო სისტემის შესაქმნელად. გექნებათ სურვილი, რომ ყველა საკითხს საფუძვლიანად მიუდგეთ და საბოლოოდ მოაგვაროთ. რა თქმა უნდა, მომატებული მოტივაცია დაგეხმარებათ, რომ საქმეები საკმაოდ ეფექტურად წარმართოთ. თუმცა, დასვენება ნუ დაგავიწყდებათ. დრო საკუთარ ჯანმრთელობასაც დაუთმეთ, განიტვირთეთ და შეეცადეთ, საყვარელი აქტივობებით დაკავდეთ.

♊ ტყუპები

ამ კვირაში ურთიერთობების დამყარება ბევრად გაგიმარტივდებათ. შესაბამისად, თუკი რაიმე სახის მოლაპარაკებებს გეგმავდით, ახალი პროექტების დაწყება გსურდათ და თანამოაზრეებს ეძებდით, რომანტიკულ ურთიერთობებში საბოლოო გადაწყვეტილების მიღება გინდოდათ, ეს კვირა ძალიან კარგ შანსს გაძლევთ, რომ არსებული გამოწვევები მოაგვაროთ და სასურველი შედეგი მიიღოთ.

♋ კირჩხიბი

კირჩხიბები ფინანსური საკითხების დადებითად მოგვარებას შეძლებენ. ფინანსური ვალდებულებების დასაფარად და ოფიციალური დოკუმენტების შესადგენად შესანიშნავი პერიოდია. გარდა ამისა, ასტროლოგები გირჩევენ, რომ ეს კვირა ფინანსების გონივრულად დაგეგმვას დაუთმოთ. წინააღმდეგ შემთხვევაში, რესურსის არასათანადოდ გამოყენებამ შესაძლოა, პრობლემები შეგიქმნათ და 2026 წელს ფინანსური ვალდებულებებით შეხვდეთ.

♌ ლომი

ლომებისთვის განსაკუთრებით აქტიური პერიოდი ახლოვდება. მიმდინარე კვირაში შესანიშნავი შანსი გაქვთ, რომ თქვენი შესაძლებლობები სრულად გამოხატოთ, წამოიწყოთ მასშტაბური პროექტები, თვითგანვითარებაზე იფიქროთ. არ შეგეშინდეთ ყველაზე ამბიციური იდეების გაჟღერებისა და განხორციელების. თქვენს ცხოვრებაში ახალი შესაძლებლობები ჩნდება. გარდა ამისა, ეს ხელსაყრელი პერიოდია კულტურული განვითარებისა და სამართლებრივი დავების გადასაჭრელად.

♍ ქალწული

თქვენი მთავარი უპირატესობა დისციპლინასა და გეგმებისადმი ერთგულებაშია. კარიერული წინსვლისთვის შესანიშნავი პერიოდი გელოდებათ. შესაძლოა, მაღალი სოციალური სტატუსის მქონე ადამიანების მხარდაჭერა მოიპოვოთ, არსებულ სამსახურში განვითარების პერსპექტივა ნახოთ ან სრულიად მოულოდნელად, კარგი შეთავაზებები მიიღოთ. მთავარია, პასუხისმგებლობის აღების არ შეგეშინდეთ და სიახლეებისთვის მზად იყოთ. ეს კვირა ბევრ დადებით დღეს გიმზადებთ.

♎ სასწორი

გეგმების დასახვისა და ახალი პროექტების დაწყებისთვის იდეალური დროა. შესაძლოა, თქვენს ცხოვრებისეულ მიზნებს ან კარიერულ მიმართულებას გადახედოთ და მნიშვნელოვანი გადაწყვეტილება მიიღოთ. კრეატიულობა და სიმტკიცე დაგეხმარებათ, თქვენი რეალური სურვილები იპოვოთ, უარი თქვათ იმაზე, რაც ბედნიერებასა და წარმატებაში ხელს გიშლით და განახლებული ეტაპი დაიწყოთ.

♏ მორიელი

ასტროლოგები გირჩევენ, რომ ეს კვირა განტვირთვას დაუთმოთ. ხშირად განმარტოვდით, მიმართეთ მედიტაციას, ჩართეთ მშვიდი მუსიკა, დაკავდით საყვარელი საქმიანობით. ეს იმაზე მეტ ენერგიასა და შთაგონებას მოგცემთ, ვიდრე შეუსვენებლად მუშაობა. კარგი პერიოდია განვლილი ეტაპების შესაფასებლად და იმის გასაანალიზებლად - სწორად მიდიხართ თუ სტრატეგია უნდა შეცვალოთ.

♐ მშვილდოსანი

მოქმედების დროა! მიმდინარე კვირაში ძალიან დიდ ენერგიასა და მოტივაციას იგრძნობთ. კარგი დროა იმისათვის, რომ ის საქმეები, რომლებიც გვერდზე გადადეთ, საბოლოოდ დაასრულოთ და სიახლეებისკენ ნაბიჯი გადადგათ. საკუთარი თავის განვითარებაზე კონცენტრირდით. ყველაფერი, რაშიც ახლა ძალისხმევასა და მონდომებას ჩადებთ, სამომავლოდ იმაზე მეტად გამოგადგებათ, ვიდრე შეიძლება, იფიქროთ.

♑ თხის რქა

მიმდინარე კვირაში შესაძლოა, ფინანსური სიურპრიზი, შემოსავლის მიღების დამატებითი წყაროები ან ბონუსები მიიღოთ. თუკი დიდი ხანია, მნიშვნელოვან შესყიდვებს გეგმავთ, ეს კვირა აღნიშნული საქმისთვის კარგი პერიოდია. ასევე, თუ სახლში არსებული გარემოს გარდაქმნას, რემონტს აპირებთ, ახლა დაიწყეთ და საკუთარი სურვილები განახორციელეთ.

♒ მერწყული

მოლაპარაკებები და შეხვედრები, ახალი საქმიანი კონტაქტები, ინტერვიუები, პროექტების პრეზენტაციები, მოგზაურობები და საქმიანი ვიზიტები მიმდინარე კვირაში ნამდვილად წარმატებული იქნება. გარდა ამისა, როგორც პირად, ასევე საქმიან ურთიერთობებში, თუ დიდი ხანია, მნიშვნელოვანი რაღაცების განხილვა გინდათ და აქამდე ვერ მოახერხეთ, მიმდინარე კვირის ენერგია კომუნიკაციის ეფექტურად წარმართვაში დაგეხმარებათ. შეგიძლიათ, თქვენი იდეები ხმამაღლა გამოხატოთ და შესაბამისი მხარდაჭერაც მიიღოთ.

♓ თევზები

ენერგია თქვენს ემოციურ მდგომარეობასთან უშუალოდაა დაკავშირებული. შესაძლოა, სტრესმა მუდმივი დაღლილობის შეგრძნება მოგიტანოთ და სხვადასხვა ამოცანასთან გამკლავება გაგიჭირდეთ. ამიტომ, მიმდინარე კვირაში მნიშვნელოვანია, ყურადღება თქვენთვის კომფორტული გარემოს შექმნასა და დასვენებაზე გაამახვილოთ. დაუკავშირდით საყვარელ ადამიანებს, გაისეირნეთ, განიტვირთეთ. ეს ძალების აღდგენაში დაგეხმარებათ, არსებულ ამოცანებსაც უკეთ გაუმკლავდებით და სამომავლო გეგმებზეც იფიქრებთ.

⭕ასევე დაგაინტერესებთ:

⭕სანდრო ბაზაძე მსოფლიო რეიტინგის პირველი ნომერია

🎥 რა მნიშვნელობის მატარებელია ადამიანის სახელი? - ქეთი ოდიშელის განმარტება

⭕„ორიენტირი გვყავს — ქრისტე და ვინც ეძებს — ის პოულობს“ - თეოდორე გიგნაძე

წყარო: www.beaumonde.ge