​„ჯოჯოხეთის 9 წრე, სულები იტანჯებიან ცოდვების სიმძიმის მიხედვით დალაგებულ 9 სფეროში“ - ქეთი ოდიშელი ციფრის სხვადასხვა მნიშვნელობაზე

„გუშინ, ბოლო დროის აქტუალური, სევდიანი ამბების „სქროლვისას“ გადავაწყდი ერთი მოძღვრის პოსტს და კონკრეტული აბზაცის წაკითხვისას „ეკლესიის სწავლებით, მე-9 დღეს სული წარდგება ღვთის წინაშე, რათა თაყვანი სცეს უფალს“, მომინდა თქვენთვის საინტერესო ინფორმაცია გამეზიარებინა.

ცხრიანი ეს არის ციფრთა სამყაროში ბოლო ნიშანი, სწორედ ის ხურავს ერთ სრულ ციკლს, როგორც ფორმალურად ასევე სიმბოლურად.

„ცხრაკლიტული“, „ცხრათვალა მზე“, „ცხრა მთა და ცხრა ზღვა გადაიარა“ დაბადებასაც ხომ 9 თვე სჭირდება...

​სკანდინავიურ მითოლოგიაში 9 ყველაზე წმინდა ციფრია.

- ​ მსოფლიო ხე, იგდრასილი, აერთიანებს 9 სამყაროს (ასგარდიდან ჰელჰეიმამდე).
- უზენაესი ღმერთი ოდინი 9 დღე და ღამე ეკიდა იგდრასილზე, რათა მიეღო რუნების საიდუმლო ცოდნა.
- ​ჰეიმდალი: ცისარტყელას ხიდის მცველს 9 დედა ჰყავდა.

ბერძნული მითოლოგიაში ​ ხელოვნებისა და მეცნიერების მფარველი 9 მუზა არსებობს. თითოეული მათგანი ადამიანური შემოქმედების სხვადასხვა სფეროზეა პასუხისმგებელი.

- ​ ქალღმერთი დემეტრა 9 დღის განმავლობაში ეძებდა თავის ქალიშვილ პერსეფონეს მთელ მსოფლიოში.
- ​მდინარე სტიქსი, რომელიც მიწისქვეშა სამყაროს საზღვარია, ქვესკნელს 9-ჯერ შემოუვლის გარს.

აღმოსავლური მისტიკა:

​ჩინეთში 9 იმპერატორის ციფრია. ძველ ჩინეთში იმპერატორის სამოსზე ხშირად 9 დრაკონი იყო გამოსახული.

- ჩინურ გამოთქმაში „ცხრა ცა“ უმაღლეს სულიერ სფეროს ნიშნავს.
- ​ინდუიზმი: არსებობს 9 ძვირფასი ქვა (ნავარატნა), რომელთაც ასტროლოგიური და მისტიკური დატვირთვა აქვთ. ასევე, ქალღმერთ დურგას თაყვანისცემის ფესტივალი, ნავარატრი, 9 ღამეს გრძელდება.

 დანტეს „ღვთაებრივი კომედია“

​დასავლურ ლიტერატურულ სიმბოლიზმში 9-ს ცენტრალური ადგილი ეთმობა.

- ​ჯოჯოხეთის 9 წრე. სულები იტანჯებიან ცოდვების სიმძიმის მიხედვით დალაგებულ 9 სფეროში.
- ​განსაწმენდელის 9 საფეხური და სამოთხის 9 ცა.

რატომ არის ცხრიანი მათემატიკურად „ჯადოსნური“ ციფრი?

​სიმბოლიზმი ხშირად მათემატიკიდან მომდინარეობს. 9-ს აქვს უნიკალური თვისება: ნებისმიერი რიცხვი, რომელიც მრავლდება 9-ზე, მისი ციფრთა ჯამი საბოლოოდ ისევ 9-ს იძლევა.

​9 × 3 = 27 (2 + 7 = 9)
​9 × 7 = 63 (6 + 3 = 9)
​9 × 15 = 135 (1 + 3 + 5 = 9)

​ეს თვისება ეზოტერიკაში განიხილება, როგორც სიმართლისა და ხელშეუხებლობის სიმბოლო, რაც არ უნდა გააკეთო, ის თავის საწყისს (ჭეშმარიტებას) უბრუნდება.

ციფრულ ასტროლოგიაში ცხრიანს პლანეტა მარსი შეესაბამება, ძველ ასტროლოგიაში სწორედ ის არის საზღვარი შინაგან და გარე პლანეტებს შორის. ის კრავს ერთ მთლიან ციკლს მატერიალურ სამყაროში. ცხრიანი ეს არის დასასრულის დასაწყისი.

გიფიქრია იმაზე რომ, ისევე როგორც წრის 0° და 360 ° არის ერთი წერტილი, ისე შენი დაბადება, და რომელიღაც განზომილებაში შენივე გარდაცვალების წერტილი შეიძლება იყოს ერთი „მომენტი“.

რიცხვი ცხრა (9) სიბრძნის, ხელდასმის და აღსრულების სიმბოლოა.

მისი ატრიბუტია: თვითჩაღრმავება, უკან დახევა, თვითფლობა. მის გზას, განვითარებას ახასიათებს თავშეკავება, მუქარა, თავდაცვა; გრძნობებში – შინაგანი თავისუფლება, მოშვება დაძაბულობისაგან. ჭკუა და ინტელექტში – ღამის კოშმარები; მიწაზე – ბედნიერება.

რიცხვი ცხრა ძიების და თვითშემეცნების სიმბოლოა, იგი დასასრულია დიდი ციკლისა (1, 2, 3, 4, 5, 6, 7, 8, 9) და იგი მზადებაა ახალი ციკლისთვის, განვითარების სპირალზე ახალი წრის გასავლელად“, - წერს ქეთი ოდიშელი. 

 ასევე დაგაინტერესებთ:

🎥 „ვორკოჰოლიკი ზიანს აყენებს საკუთარ თავს და ოჯახის წევრებსაც ...“ - ნუგზარ ძიძიგური

🎥 როგორ გავზარდოთ ბედნიერი ბავშვი: აღზრდის შეცდომები და „კარგი შვილის“ ფენომენი ნათია ფანჯიკიძისგან

🎥 რა კავშირშია ჰაერის დაბინძურება ალცჰაიმერთან? - ეს უნდა იცოდეთ!