ასტროლოგი, რომელიც სოციალურ ქსელში გვერდს AstroBlog SkyLight მართავს, 15 იანვრის კოსმოსურ ამინდზე პროგნოზს გვიზიარებს.
მისი თქმით, დღეს მთვარე მოძრაობს ოპტიმისტურ მშვილდოსნის ნიშანში, ხოლო ვენერა ქმნის ჰარმონიულ ასპექტებს: სექსტილს სატურნთან და ტრიგონს ურანთან, რაც ძალზე პოზიტიური კომბინაციაა.
ასტროლოგი საზოგადოებას ურჩევს, მოაგვარონ ფინანსური საკითხები:
„15 იანვარი კვირის ერთ-ერთი საუკეთესო და ყველაზე პროდუქტიული დღეა.
მთვარე მოძრაობს ოპტიმისტურ მშვილდოსნის ნიშანში, ხოლო ვენერა ქმნის ჰარმონიულ ასპექტებს: სექსტილს სატურნთან და ტრიგონს ურანთან. ეს იშვიათი და ძალზე პოზიტიური კომბინაციაა, როდესაც სტაბილურობა და საიმედოობა ერთიანდება კრეატივთან და განახლებასთან.
დღეს დაწყებული ნებისმიერი სიახლე რბილად და ხანგრძლივად გაიდგამს ფესვებს, მიუხედავად კლებადი მთვარისა. დღის შთამაგონებელ და კონსტრუქციულ ატმოსფეროს ამ შესანიშნავი ასპექტების გავლენა ქმნის. ყველაფერი ახალი, რაც გსურთ შეიტანოთ თქვენს ცხოვრებაში, საქმიანობაში ან პროექტებში, დღეს რეალიზაციის ძალიან კარგ შანსს იღებს. ამიტომ ეს კვირის განმავლობაში იდეალური დღეა იმ განახლებებისთვის, რომლებიც მოითხოვს გამბედაობასაც და პასუხისმგებლობასაც. დღეს დაწყებული ცვლილებები მყარ და საფუძვლიან შედეგს მოიტანს.
დღე განსაკუთრებით ხელსაყრელია ფინანსური საკითხების მოსაგვარებლად, გრძელვადიანი საქმეების დასაგეგმად, ურთიერთობების განმტკიცებისთვის, შეთანხმებების გასამყარებლად და ახალ ეტაპზე გადასასვლელად. რასაც დღეს დაგეგმავთ ან საფუძველს ჩაუყრით გააზრებულად და შედეგების გათვალისწინებით, კოსმოსის ძლიერი მხარდაჭერა აქვს. გამოიყენეთ ეს დღე მაქსიმალურად!
დილის 06:00 საათიდან იწყება ოცდამეშვიდე მთვარის დღე, რომლის სიმბოლოა კვერთხი, სამკაპი.
ეს თვის ერთ-ერთი ყველაზე ინტუიციური დღეა.
დღის ენერგია ნათელი, რბილი და მიმართულების მანიშნებელია. ასეთ დღეებში განსაკუთრებით მკაფიოდ იგრძნობა შინაგანი ვექტორი - რა გვიზიდავს?
რა არის ჩვენი მოწოდება და სად გვიხმობს სულის ხმა?
ან რა არის ის, რაც უკვე ჩვენს გზას აღარ წარმოადგენს?
ფსიქოლოგიურად ეს საკუთარი თავის ნდობის დღეა. რეკომენდებულია თავი აარიდოთ უსარგებლო კონტაქტებსა და უაზრო საუბრებს.
დღე გაჯერებულია ინფორმაციით. თუ ყურადღებით დააკვირდებით თქვენს გარშემო მიმდინარე მოვლენებს და მოუსმენთ თქვენს შინაგან ხმას, გექნებათ შესაძლებლობა იპოვოთ პასუხები გადაუჭრელ კითხვებზე ან დაინახოთ საგნები ისე, როგორც ისინი სინამდვილეში არიან. ეს ასევე საშუალებას მოგცემთ, ახლებურად შეხედოთ მიმდინარე გარემოებებს და რთულ სიტუაციებში იპოვოთ გონივრული და ეფექტური გამოსავალი.
ოცდამეშვიდე მთვარის დღე კარგი დროა საყვარელ ადამიანებთან ერთად გასატარებლად, ზრუნვისა და ყურადღების გამოსავლენად. ეს შინაგანი ჰარმონიისა და თვითგანვითარების დღეა. კარგია ითხოვოთ პატიება, დაფაროთ ვალები და აპატიოთ მათ, ვინც ოდესმე გაწყენინათ.
ეცადეთ, მთელი დღის განმავლობაში ჰარმონიაში იყოთ საკუთარ თავთან. სამყარო მხარს დაგიჭერთ სიმშვიდის შენარჩუნებაში.
დამეთანხმებით, რომ სიმშვიდე ახლა ყველაზე მეტად გვჭირდება!“, - წერია გავრცელებულ ინფორმაციაში.
აგრეთვე დაგაინტერესებთ:
⭕„ჩემი 🌎“ - ნანუკა გულუას ოჯახური იდილია, კადრები საახალწლო ფოტოსესიიდან
