14 მარტს დაწყებული დაბნელების დერეფანი 29 მარტს მზის დაბნელებით დასრულდება.
დაბნელება იქნება ვერძის ზოდიაქოს ნიშანში და მის გავლენას ფაქტობრივად, ყველა იგრძნობს. ეს არ არის მხოლოდ ასტრონომიული ფენომენი - ეს არის კარმული მომენტი, რომელზედაც დამოკიდებულია, თუ როგორ ვიცხოვრებთ მომდევნო თვეების განმავლობაში. როგორ მოვემზადოთ ამ მოვლენისთვის და რა უნდა გაკეთდეს იმისათვის, რომ ჩვენი ცხოვრება წარმატებული და ჰარმონიული იყოს ამ პერიოდში - აღნიშნულ თემაზე ასტროლოგი ხათუნა ნოელი სოციალურ ქსელში საუბრობს და საზოგადოებას საჭირო რჩევებს უზიარებს:
„როგორც ალბათ იცით, მიმდინარე პერიოდში დაბნელებების დერეფანს გავდივართ, რომელიც 14 მარტს მთვარის დაბნელებით დაიწყო და 29 მარტს თბილისის დროით 14:47 წუთზე მზის დაბნელებით დასრულდება.
უკვე ამის მერე, რაც ამ ხნის მანძილზე დაპაუზებული გვქონდა, შესაძლებელი გახდება, რომ თანდათან, ნელა-ნელა დავიწყოთ განხორციელება. უნდა ითქვას რომ მთვარის დაბნელებები უკავშირდება ხოლმე ძველის დასასრულს, ხოლო მზის დაბნელებებს მაქვს ახალი ციკლის დასაწყისი, რადგან აღმავალ კარმულ კვანძთან მოდიან კავშირში.
ყველა დაბნელება რომელიმე ხანგრძლივი ციკლის ნაწილს წარმოადგენს, რა თქმა უნდა გამონაკლისი არც ეს იქნება. ამიტომ გადახედეთ და თუ გაიხსენებთ რა მოვლენები გქონდათ 2007 წლის 19 მარტის ახლომახლო პერიოდში, მიხვდებით თუ როგორ შეგეხებათ ამჟამინდელი. დაბნელება ნიშნავს გარდამტეხ წერტილს და ახალ დონეზე გადასვლას.
აქედან უკვე მომდევნო 18 წლის სცენარი იწერება. მთვარის დაბნელებებისგან განსხვავებით მზის დაბნელება ყოველთვის დაკავშირებულია პიროვნებასთან, ჩვენს შემოქმედებასთან, მიღებულ გადაწყვეტილებებთან, ახალ გზასთან.
აქვე მინდა ვთქვა, რომ დაბნელებებს უფრო მძლავრი ზეგავლენა აქვთ იმ ტერიტორიებზე, საიდანაც ისინი ხილულები არიან. ეს დაბნელება ისედაც არაა სრული. ნაწილობრივი დაბნელებაა. და ის ხილული იქნება ჩრდილო- აღმოსავლეთ ამერიკაში, გრენლანდიაში, ჩრდილო-დასავლეთ ევროპაში, ბალტიისპირეთში, ბელორუსსა და უკრაინის ჩრდილო დასავლეთ ნაწილში. საგრძნობ ამბებსაც იქ მოიტანს.
ჩვენთან არ გამოჩნდება, ამიტომ ის ადამიანები იგრძნობენ მხოლოდ ვის პირად რუკაზეც დაბნელების წერტილი რაიმე მნიშვნელოვანს შეუერთდება და გაააქტიურებს.
მზე მუნდანურ ასტროლოგიაში წარმოადგენს სახელმწიფო მეთაურებს - პრეზიდენტებს, პრემიერებს, მეფეებს. ასევე ძალზე ცნობილ, პოპულარულ პიროვნებებს, სახალხო კერპებს. გინდ პოლიტიკაში და გინდ სცენაზე.
ძალიან ბევრი მათგანისათვის ეს „ჩავარდნის“ მომენტი იქნება. ზოგიერთისთვის პოპულარულობის დაკარგვა, ზოგისთვის სკამის, ზოგს კი შეიძლება ფიზიკურადაც შეეხოს. უბრალო მოკვდავთათვის ასე საშიში არ არის.
მაინც ვინ ჰყვება ამ არეალში: ადამიანები, რომლებიც დაბადებულები არიან ვერძის ნიშანში -26.03-დან 31.03-მდე. კირჩხიბის ზოდიაქოში 27.06-დან 2.07-მდე. სასწორში 29.9-დან 3.10-მდე და თხის რქის 28.12-დან 1.01-მდე“, - წერს ხათუნა ნოელი.
ასევე დაგაინტერესებთ:
⭕„გვეშველა, ახალი კვლევით ახალგაზრდულმა ასაკმა 45 წლამდე გადაიწია“ - ქრისტინე იმედაძე 41 წლის გახდა
🎥 ძლიერი და გავლენიანი ქალები ზოდიაქოს ნიშნის მიხედვით - თაკო მელიქიშვილი რეიტინგს გვაცნობს
