„რას მოიტანს მერკური-სატურნის ოპოზიცია?! მოქმედების პერიოდი: 18-19 სექტემბერი“, - აღნიშნულის შესახებ ვრცელ პოსტს ასტროლოგი და ფსიქოლოგი რამაზ გიგაური გვიზიარებს:
„დღეს და ხვალ საკმაოდ რთული და დაძაბული ასტროლოგიური ასპექტი ყალიბდება. სასწორის ნიშანში მყოფი მერკური (მე-13-15 გრადუსი) და ვერძში მყოფი სატურნი (მე-13 გრადუსი) ერთმანეთთან ზუსტ ოპოზიციაში არიან.
ეს არის ორი რადიკალურად განსხვავებული ენერგიის შეჯახება: ასტროლოგიაში მერკური კომუნიკაციას, ინფორმაციის მიღება-გადაცემასა და მოლაპარაკებებს მართავს, სატურნი კი - შეზღუდვებს, წესებსა და დაბრკოლებებს. ამიტომ, მათ შორის წარმოქმნილი დაძაბულობა პირდაპირ აისახება ჩვენს აზროვნებასა და ყოველდღიურ საქმეებზე.
🔍 რაზე მიანიშნებს ეს ასპექტი?
💬 წინაღობა ურთიერთობებში: ამ ორ დღეში ადამიანებს ერთმანეთის გაგება ძალიან გაუჭირდებათ. სასწორის (მერკური) დიპლომატიას ვერძის (სატურნი) სიხისტე და სიჯიუტე უპირისპირდება. აქედან გამომდინარე, მოიმატებს კრიტიკის, ცივი დამოკიდებულებისა და გაუგებრობების ალბათობა.
🛑 შეფერხება საქმეში: სატურნი აფერხებს ყველაფერს, რასაც მერკური უკავშირდება. ასე რომ, მოსალოდნელია შეფერხებები საბუთების გაფორმებისას და მოლაპარაკებებისას. ასევე იმატებს ტექნიკური ხარვეზები და გზებზე შექმნილი პრობლემები.
🧠 მენტალური სიმძიმე: ეს ოპოზიცია მიანიშნებს პესიმიზმსა და მენტალურ დაღლილობაზე. შესაძლოა გაჩნდეს განცდა, რომ უხილავი წინაღობების გამო საქმე წინ არ მიდის.
⚖️ „მე“ თუ „ჩვენ“: ვერძი-სასწორის ღერძი პარტნიორული ურთიერთობების გამოცდას ნიშნავს. პირადი ინტერესების (ვერძი) გატანის სურვილი კომპრომისის, დათმობის (სასწორი) აუცილებლობას შეეჯახება.
🛡️ როგორ ავირიდოთ თავიდან გართულებები?
📝 თუ ეს გადაუდებელ პროექტებს არ ეხება, გადადეთ მნიშვნელოვანი შეთანხმებები: 18-19 სექტემბერს მოერიდეთ ხელშეკრულებების გაფორმებას, მნიშვნელოვანი მოლაპარაკებების დაწყებასა და საბოლოო გადაწყვეტილებების მიღებას.
🤐 აკონტროლეთ სიტყვები: ნებისმიერი უხეში ან კრიტიკული ნათქვამი ამ პერიოდში გაცილებით მტკივნეულად აღიქმება. სანამ რამეს იტყვით, კარგად დაფიქრდით.
⏳ იყავით მომთმენი: ნუ ინერვიულებთ შეფერხებისას. თუ საქმე ჭიანურდება, მიიღეთ როგორც ფაქტი და ნუ დახარჯავთ ენერგიას ხელოვნურად დაჩქარებაზე. სატურნი ასტროლოგიაში დროს მართავს, ასე რომ, სიჩქარე მოიტანს არა სწრაფ შედეგს, არამედ შეცდომების დაშვებას“, - წერს რამაზ გიგაური.
⭕ ასევე დაგაინტერესებთ:
⭕ პირველად 100 წლის განმავლობაში მეცნიერებმა კატის ახალი ჯიში აღმოაჩინეს
⭕ რატომ გეჩვენება სიყვარულად ის, რაც ბავშვობაში ტკივილს გაყენებდა? - რას ამბობს ფსიქოლოგი
