5 ნოემბერს, თბილისის დროით 17:19 საათზე სავსემთვარეობა გვექნება.
როგორც იურისტი, კრიმინოლოგი, პარაფსიქოლოგ-ეზოტერიკოსი, ტაროლოგი და ნუმეროლოგი ქეთევან ჯანდიერი სოციალურ ქსელში წერს, სავსემთვარე გაგვინათებს შინაგანი სამყაროს სიღრმეებს.
მისი თქმით, ახლა იდეალური დროა ძველი მიზნების შესაფასებლად, მადლიერებისთვის:
„5 ნოემბერს სავსემთვარე გაგვინათებს შინაგანი სამყაროს სიღრმეებს. ვინც წლებია მომყვებით, იცით, რომ ზოგადი პროგნოზი არასოდეს მიყვარს, რადგან თითოეული ადამიანი უნიკალურია, ენერგიები ინდივიდუალურ რეაგირებას იწვევს. თუმცა, თქვენი თხოვნით მინდა შემოგთავაზოთ ჩემი ხედვა, რომელიც დაგეხმარებათ გაერკვეთ, სად დგახართ, რა თავისუფლება გაქვთ და რა უნდა დატოვოთ უკან.
დავიწყოთ.. ეს სავსემთვარე არ არის მხოლოდ მეტაფორული, არამედ რეალური ენერგეტიკული მომენტია, რომელიც გვიბიძგებს შინაგანი სისავსის, სიმდიდრისა და სტაბილურობის, შინაგანი სიმშვიდის ძიებაში.
ახლა იდეალური დროა:
ძველი მიზნები შეაფასოთ – რა მუშაობს, რა აღარ მუშაობს, რა დარჩა დაუსრულებელი.
დაფიქრდეთ, რა გჭირდებათ რეალურად სტაბილურობისთვის – მატერიალურადაც, ემოციურადაც.
საჭიროა გაათავისუფლოთ ყველაფერი, რაც ენერგიას გართმევთ – შეხედულებები, ურთიერთობები, რუტინა.
მიმართეთ მადლიერება იმ ყველაფრისთვის, რაც გაქვთ – ეს მარტივი, მაგრამ ძლიერ ეფექტიანი ენერგეტიკული პრაქტიკაა.
გამოიყენეთ ეს დღე, როგორც ახალი დასაწყისისთვის მომზადების მომენტი (ჩამოწერეთ 5.11.25 სამომავლო გეგმები).
ახლა კი, ჩემ ზოდიაქოს ნიშნებისთვის ჩემი საავტორო: სავსე მთვარის გზამკვლევი..
როგორი იქნება ნოემბრის თვის ტენდენციები + რეკომენდაციები..
ვერძი – სავსე მთვარის ენერგია გიბიძგებს შენს მატერიალურ სტაბილურობაზე ფოკუსირებისკენ.
ჯანმრთელობა: ენერგია მაღალია, მაგრამ ყურადღება მიაქციე სტრესს და ძილის რეჟიმს.
პირადი ცხოვრება: ურთიერთობებში მცირე კონფლიქტები შეიძლება გამოჩნდეს; მოთმინება მნიშვნელოვანია.
ფინანსები: ფოკუსირება მატერიალურ სტაბილურობაზე – მცირე, გეგმური ნაბიჯები ფინანსებში წარმატებას მოგიტანენ.
გზავნილი: „ძლიერი ხარ მაშინ, როცა შენივე ღირებულებებზე ხარ დაფუძნებული”.
რჩევა: დღეში 10–15 წუთი მედიტაცია მატერიალური სტაბილურობის წარმოსახვით.
კურო – შენთვის ეს სავსე მთვარე არის შინაგანი სიმდიდრის სარკე. გათავისუფლდი ძველი შეხედულებებისგან და რაც აღარ ემსახურება შენს განვითარებას, დაიწყე ახალი ეტაპი თვითგამოხატვისთვის.
ჯანმრთელობა: ფიზიკურად ძლიერი, ემოციურად მგრძნობიარე.
პირადი ცხოვრება: სერიოზული ცვლილებები ურთიერთობებში; დროა ძველი დატოვო.
ფინანსები: ნოემბერი ხელს უწყობს სანდო ინვესტიციებსა და პატარა, მაგრამ სტაბილურ მიღებებს.
გზავნილი: „შენში არსებული სიმყარე და სიმდიდრე შენს ცხოვრებას ანათებს. გაუშვი ყველაფერი, რაც ენერგიას გართმევს“.
რჩევა: დაჯექი მშვიდად და წარმოიდგინე შენს ცხოვრებაში სიმდიდრე და სტაბილურობა.
ტყუპი – ყურადღება მიაქციე ურთიერთობებს. გამოარჩიე, ვინ ან ავითარებს შენს სულს და ვინ ან რა გაძლევს „ფალსიფიცირებულ” ენერგიას.
ჯანმრთელობა: ენერგია ცვალებადია, ვარჯიში და სუფთა კვება დაგეხმარება.
პირადი ცხოვრება: კარგი დროა ძველი კონფლიქტების გადაჭრისთვის.
ფინანსები: გეგმური, პატარა ინვესტიციები; შეაფასე ხარჯები.
გზავნილი: “სიყვარული და მეგობრობა სარკეა შენი შინაგანი სიბრძნისა”.
რჩევა: აწარმოე დღიური ჩანაწერები – გამოხატე, რა მოგწონს ურთიერთობებში და რა უნდა შეიცვალოს.
კირჩხიბი – ემოციების სიღრმე ახლა განსაკუთრებით მნიშვნელოვანი ხდება. გულში ჩასწვდით ძველ ტკივილებს, შიშებს, აღიარეთ ისინი და დაუთმეთ სივრცე საკუთარ გრძნობებს.
ჯანმრთელობა: ემოციურად მგრძნობიარე, გაითვალისწინე შინაგანი დაბალანსება.
პირადი ცხოვრება: ემოციების ღრმა გაცნობა აუცილებელია, განსაკუთრებით ოჯახში.
ფინანსები: ფრთხილად ფინანსურ პროექტებთან, მცირე სიფრთხილე დაგეხმარება.
გზავნილი: „შეისმინე გულის ხმა, რათა სულიერი სიმშვიდე იპოვო”.
რჩევა: სუნთქვითი ვარჯიში (სუნთქვაზე დაკვირვება/კონცენტრაცია) + გულზე ზრუნვა ანუ – გაუშვი შიში და ტკივილი.
ლომი – დროა შინაგანი სიმტკიცე და მოთმინება განავითარო. ენერგია მიმართე სირთულეების გადალახვასა და შინაგანი სინათლის გაძლიერებაზე.
ჯანმრთელობა: ფიზიკური ენერგია მაღალი, ემოციურად სჭირდება მოთმინება.
პირადი ცხოვრება: ძლიერი კომუნიკაცია და ნდობა გჭირდებათ ახლობლებთან.
ფინანსები: შემოქმედებითი მიდგომა მოგცემს ფინანსურ შესაძლებლობებს.
გზავნილი: „მიიღე შინაგანი სიცარიელე, რომ სინათლემ ადგილი მონახოს შენში.
რჩევა: მედიტაცია შინაგანი სიმტკიცის გაძლიერებისთვის.
ქალწული – ახალი შესაძლებლობები იწყება, დაინახე სანდო გზა და ნაყოფიერად გამოიყენე ეს დღე პირად და პროფესიულ სფეროებში.
ჯანმრთელობა: მცირე სტრესი, თავი შეიკავეთ გადატვირთვისგან.
პირადი ცხოვრება: ახალი ნაცნობობები ან სიახლეები პირად სფეროში.
ფინანსები: ახალი შესაძლებლობები კარიერასა და ფინანსურ სფეროში.
გზავნილი: „ყოველი მცირე ნაბიჯი შენს სულიერ ბაღს ზრდის“.
რჩევა: ვიზუალიზაცია ახალი ეტაპისთვის, დღიური ჩანაწერები.
სასწორი – ბალანსი გჭირდება გადაწყვეტილებებში, ურთიერთობებში, შენსა და სამყაროს შორის. ჰარმონია ყველაზე ძლიერი მანიფესტაციაა.
ჯანმრთელობა: ჰარმონიული, მაგრამ ყურადღება მიაქციე „მჯდომარე” ცხოვრების მანერებს.
პირადი ცხოვრება: ბალანსის პოვნა ურთიერთობებში მნიშვნელოვანია.
ფინანსები: მცირე ცვლილებები ფინანსებში წარმატებულად აისახება.
გზავნილი: “ბალანსი სულიერი სინათლის საზღვარია”.
რჩევა: მადლიერების მედიტაცია ურთიერთობებში ჰარმონიისთვის.
მორიელი – ტრანსფორმაციის დროა. გათავისუფლდე ძველი, და დაუთმე სივრცე ახალ შესაძლებლობებს, შენს სულიერ ზრდას.
ჯანმრთელობა: ენერგია ძლიერი, ყურადღება მიაქციე სულიერ და ფიზიკურ დასვენებას.
პირადი ცხოვრება: ცვლილებები პირად ურთიერთობებში; შენი ტრანსფორმაცია ხდება.
ფინანსები: სირთულეების გადალახვის შემდეგ ფინანსური სტაბილურობა ელის.
გზავნილი: „ძველი ჩარჩოები გეხმარებიან ახალი თავისუფლების შეგრძნებაში”.
რჩევა: ძველი ტკივილების დატოვება – სუნთქვითი ვარჯიში, ან მწვანე სინათლის შუქზე მედიტაცია.
მშვილდოსანი – ჰარმონიის ძიება ყოველდღიურ ცხოვრებაში. შიდა და გარე სამყარო უნდა მოურიგდეს ერთმანეთს, რათა სიმშვიდე გიპყრობდეს.
ჯანმრთელობა: აქტიური დროა, სწორი კვება და სპორტი დაგეხმარება ენერგიის სწორად გამოყენებაში.
პირადი ცხოვრება: ჰარმონია და შინაგანი სიმშვიდე გჭირდებათ.
ფინანსები: გეგმური ინვესტიციები მოგებიანია.
გზავნილი: „ჰარმონია იწყება იქ, სადაც ყურადღებას მიაქცევ სიჩუმეს“.
რჩევა: სიჩუმეში მედიტაცია – ჰარმონიის განცდა.
თხის რქა – შემოქმედება და საკუთარი ნიჭის გამოხატვა ახლა განსაკუთრებულ მნიშვნელობას იძენს. გამოავლინე შენი უნარები რეალურ სამყაროში.
ჯანმრთელობა: ფიზიკური და მენტალური ენერგია პიკშია, მცირე დასვენება აუცილებელია.
პირადი ცხოვრება: შემოქმედებითი მიდგომა ურთიერთობებში დადებით გავლენას ახდენს.
ფინანსები: კარგი პერიოდი ახალი პროექტების დაწყებისთვის.
გზავნილი: „შემოქმედება სულიერი ენერგიის ღია ფანჯარაა”.
რჩევა: აწარმოე დღიური ჩანაწერები ახალი მიზნების შესახებ.
მერწყული – ინტუიცია ახლა განსაკუთრებით ძლიერი ხდება. მედიტაცია, სიჩუმე და შინაგანი ხმა გაძლევს სწორ მიმართულებას.
ჯანმრთელობა: სტაბილური, მაგრამ ემოციები ცვალებადია.
პირადი ცხოვრება: ინტუიცია გეუბნება, რა ნაბიჯები გადადგა ახლო ადამიანებთან.
ფინანსები: წინასწარ დაგეგმილი ფინანსური ნაბიჯები წარმატებულია.
გზავნილი: „ინტუიცია არის სულიერი გზის ხმა“.
რჩევა: მედიტაცია ინტუიციის გაძლიერებისთვის.
თევზები – შინაგანი ცოდნის მიღება და ემოციური სწავლება. მიჰყევი ინტუიციას, დააკვირდი სიზმრებს, სიმბოლოებს და სამყაროს ნიშნებს/მესიჯებს.
ჯანმრთელობა: მგრძნობიარე ემოციურად, დაიცავი შინაგანი ბალანსი.
პირადი ცხოვრება: ინტუიცია და შინაგანი ცოდნა გიკარნახებენ სწორი ნაბიჯების მიმართულებას.
ფინანსები: ფრთხილად დიდ პროექტებზე, მცირე ინვესტიციები წარმატებულია.
გზავნილი: „სული შენში ყოველთვის გესაუბრება, დააკვირდი სიჩუმეს“.
რჩევა: საჭიროა დღიური ჩანაწერები, ინტუიციის გაძლიერება, სიმბოლოების ანალიზი.
შევაჯამებდი ასე.. ვინც არ უნდა იყო ახლა ეკრანთან, „შენში არსებულ სიმდიდრეს ვერავინ წაგართმევს, თუ შენ მას სულიერად აღიარებ. დაინახე, სად შეგიძლია ენერგია გაათავისუფლო და სად – გაიზარდო“.
კონკრეტულად: სავსე მთვარის დღეს (5.11.25) გამოიყენე 10–15 წუთი მედიტაციისთვის, ფოკუსი შეიტანე შენს შინაგან სიმდიდრეზე, მადლიერებაზე და იმაზე, რაც გჭირდება შენს ცხოვრებაში ახალი დასაწყისისთვის“, - წერს ქეთევან ჯანდიერი.
აგრეთვე დაგაინტერესებთ:
