Digest Logo

🎥 „შესაძლოა არასწორი დიაგნოზი დაგისვან...“ - ზოდიაქოს რომელი ნიშნებზე იმოქმედებს „შავი მთვარე“ მორიელში? ნინა სუსლოვას ასტროპროგნოზი

1743771225
ნინა სუსლოვა

„შავი მთვარე გადავიდა მორიელში ანუ „ლილიტი“. ლილიტი არის ყველაზე შორეული წერტილი დედამიწიდან მთვარის ორბიტაზე. ეს არის ჩვენი ფარული სურვილები, შიშები. ის რაც არის დამალული და არ არის მარტივად ხელმისაწვდომი. იმის მიხედვით თუ რა ნიშანში გადადის მოქმედებს სხვანაირად და გავლენებს ახდენს. ამ შემთხვევაში, მორიელის ნიშანში ეხება სურვილებს, ურთიერთობებს და ფინანსებს. ყველასთვის შესაძლოა რაღაც გამოცდილება იყოს, თუმცა კარგია ტრანსფორმაციის კუთხით. ნებისმიერი ასპექტი არ ნიშნავს, რომ მხოლოდ ნეგატივი ხდება. აუცილებელია ის ინფორმაციები, რომლებიც გვაქვს სწორად გამოვიყენოთ. ამ შემთხვევაში რახან მორიელში გადავიდა განსაკუთრებით ამ ნიშნის ქვეშ დაბადებულები იგრძნობენ“, - აღნიშნულ საკითხზე გადაცემაში „დღის პოსტი“ ასტროლოგმა ნინა სუსლოვამ ისაუბრა და ზოდიაქოს ნიშნები დაახასიათა:

♈ ვერძი

ეს შეეხება ურთიერთობებს, არა მხოლოდ პარტნიორულს, არამედ საქმიანს და ასევე ფინანსებს. მეტი ყურადღება და სიფრთხილე მართებთ, შესაძლოა მოატყუონ.

♉ კურო

ურთიერთობები უფრო მეტად პარტნიორულზე გადის. შესაძლოა ჩაერიონ ადამიანები, რომლებმაც ხელი შეგიშალონ ან პირიქით, შეგიწყონ. ცდუნების მსხვერპლი შესაძლოა გახდეთ. ფრთხილად იყავით ახალ ადამიანებთან.

♊ ტყუპები

აუცილებელია ყურადღება მიაქციოთ ჯანმრთელობას. ასევე სწორად შეარჩიეთ ექიმები, რადგან შესაძლოა არასწორი დიაგნოზი დაგისვან. გადაამოწმეთ ინფორმაციები.

♋ კირჩხიბი

სასიყვარულო ურთიერთობებში შესაძლოა ცვლილებები მოხდეს. ასევე აირიოს სიტუაცია, ამიტომ გამოიჩინეთ ყურადღება. სიფრთხილე გმართებთ ბავშვებთან, განსაკუთრებით შვილებთან.

♌ ლომი

ნათესავები, ოჯახის წევრები, საოჯახო საქმიანობა შესაძლოა - პრობლემები გაჩნდეს. ასევე მოგიწევთ სხვისი პრობლემების მოგვარებაც.

♍ ქალწული

ინფორმაცია მიიღეთ სწორად. შესაძლოა გამოჩნდეს ადამიანები, რომლებმაც არ გირჩიონ სწავლა და მეტი ინფორმაციის მიღება. გმართებთ სიფრთხილე საჭესთან და გადაადგილებასთან.

♎ სასწორი

ფინანსების მართვა მოგიწევთ სწორად და რესურსების განაწილება. მიაქციეთ ყურადღება კვებას. ასევე კარგი იქნება თუ იქნებით რაციონალურები ფულის ხარჯვის პროცესში.

♏ მორიელი

გაძლიერებული იქნება თქვენი ენერგიები, თუმცა შავი მთვარე ყველაზე მეტად თქვენზე მოახდენს გავლენას. ასევე შესაძლოა გამოჩნდეს ფარული მტრები, რადგან არსებობენ ისეთებიც, რომლებსაც თქვენი შურთ.

♐ მშვილდოსანი

ახლო წრეში, რომლის გარემოცვაშიც იმყოფებით, აუცილებელია სიფრთხილე გამოიჩინოთ და ბევრი არ ისაუბროთ საიდუმლოებებზე. ასევე შესაძლოა დაფარული ინფორმაცია გახდეს ხილული ან პირიქით.

♑ თხის რქა

სამომავლო გეგმებთან დაკავშირებით შესაძლოა პრობლემები წარმოიქმნას. ასევე შეიძლება გამოჩნდეს ადამიანი, რომელიც დაგეხმარებათ. ყურადღებით იყავით დოკუმენტებზე ხელის მოწერის დროს.

♒ მერწყული

სამსახურებრივი ურთიერთობები კოლეგებთან უნდა მოაგვაროთ. ასევე ყურადღება მიაქციეთ სტატუსს.

♓ თევზები

ფრთხილად იყავით უცხოეთთან და უცხოელებთან. სიფრთხილეს მოითხოვს გადაადგილება და პარტნიორული ურთიერთობები.

⭕ ასევე დაგაინტერესებთ:

🎥 როგორ განვთავისუფლდეთ დიაბეტისგან? - არუნ ხათრის რჩევები

⭕„კარმას ყველას მისამართი აქვს...“ - ლინდა ადამია ახალ კადრებს აქვეყნებს

🎥 🪐„დროის გასვლასთან ერთად იგრძნობთ მოტივაციის ნაკლებობას...“ - ოთხი აპრილის ასტოპროგნოზი ნინა სუსლოვასგან