ასტროლოგი ქეთი ოდიშელი სოციალურ ქსელში აქტიურობით გამოირჩევა და საზოგადოებას ხშირად უზიარებს ამა თუ იმ ასტროლოგიური მოვლენის შესახებ შემეცნებით ინფორმაციას.
ამჯერად იგი მორიგ პოსტს აქვეყნებს, სადაც სატურნის ახალ ციკლზე ისაუბრა:
„დღეიდან, 2025 წლის 25 მაისიდან - 2028 წლის 13 აპრილამდე, სეპტენერის უხუცესი, კოსმოსური მასწავლებელი, პლანეტა სატურნი ახალ 30 ციკლს იწყებს!
ის ვერძის ზოდიაქოს ნიშანში გადავიდა, რაც სიმბოლურად უკავშირდება რაღაც ახლის დაბადებას, ახალ იმპულსს, ახალ ინიციატივას.
პლანეტა სატურნი დროის, ფორმის, დისციპლინის, სტრუქტურისა და მატერიალური სამყაროს ღვთაებაა.
ის მცირე დროით თითქოს შეამზადებს ვერძისა და სასწორის ნიშნის წარმომადგენლებს, რადგან მომდევნო რამდენიმე წელი საკმაოდ მკაცრი გამოცდებისა და საპასუხისმგებლო მოვლენების წინაშე შეიძლება აღმოჩნდეს თითოეული ადამიანი (რომელსაც ზემოთ ჩამოთვლილი ნიშნების გავლენა აქვს).
მომდევნო პერიოდში, ივლისიდან - ნოემბრამდე სატურნი ისევ თევზების ნიშანში გადავა უკუსვლით და მიმდინარე გარკვეული კრიზისული ცვლილებებისა და მინიშნებების გათვალისწინებით, ივლისი - ნოემბრის პერიოდი საკმაოდ ეფექტური იქნება ცხოვრების იმ სფეროს საკორექციოდ, რომელიც ახლა ვხედავთ, რომ მოითხოვს სათანადო ცვლილებებს“, - წერს ქეთი ოდიშელი.
⭕ ასევე დაგაინტერესებთ:
