🪄 სიყვარულის რიტუალი: ილუზია, რომელიც ძვირი ჯდება... - „ სხვისი სულის დატყვევების მცდელობა ისევე მუშაობს, როგორც ვინმეს ფიზიკურად დაბმა და იძულება“

თეთრი და შავი მაგია. ეგრეთ წოდებულ ფერებს ეზოტერიკაში მნიშვნელობა არ აქვს, მნიშვნელოვანია მხოლოდ განზრახვა. როცა შენ ცდილობ კონკრეტული ადამიანის გრძნობების, არჩევანისა და თავისუფლების გაკონტროლებას, შენ არღვევ სამყაროს უმთავრეს კანონს, თავისუფალი ნების კანონს.

ეს არის სხვისი სულის დატყვევების მცდელობა და ზუსტად ისევე მუშაობს, როგორც ვინმეს ფიზიკურად დაბმა და იძულება, ოღონდ ენერგეტიკულ დონეზე. როდესაც შენ ერევი სხვის პირად უფლებაში და საზღვრებში, შენ უკვე ნეგატიურ ველს ქმნი. უნდა გვესმოდეთ, რომ სამყარო არის სარკე და რასაც გასცემ, ყოველთვის უკან გიბრუნდება. როცა ძალით იბრუნებ ადამიანს, შენ პირველ რიგში საკუთარ კარმას აზიანებ.

სამყარო ყოველთვის აბალანსებს დარღვევას და სანაცვლოდ ადრე თუ გვიან წაგართმევს იმას, რაც შენთვის მართლა ძვირფასია, შინაგან სიმშვიდეს, ჯანმრთელობას ან იმ ნამდვილ სიყვარულს, რომელიც წინ გელოდა და რომლისთვისაც ადგილი აღარ დატოვე. ამასთანავე ის ადამიანი, რომელიც ასეთი გზით დაბრუნდება, აღარ იქნება ის პიროვნება, ვინც გიყვარდა. ის იქნება ენერგეტიკულად გატეხილი, ქვეცნობიერი აგრესიით და წინააღმდეგობით სავსე ადამიანი, რაც ნებისმიერ ურთიერთობას ტოქსიკურს და მტკივნეულს ხდის. შენ ხელოვნურად ქმნი კავშირს, რომლის შენარჩუნებაც მუდმივად მოგიწევს საკუთარი ენერგიის ხარჯზე და როგორც კი ძალა გამოგელევა, ყველაფერი მაინც ნგრევას დაიწყებს. ამიტომ ნაცვლად იმისა, რომ ენერგია სხვის დევნაში დახარჯო, მიმართე ის შენკენ. სამყარო ყოველთვის იმას გიბრუნებს, რასაც შენ ასხივებ.

იმუშავე საკუთარ სისავსეზე, ნუ იქნები ენერგეტიკული მათხოვარი, რომელიც სხვის სიყვარულს ელოდება, რომ თავი სრულყოფილად იგრძნოს. გახდი ადამიანი რომელიც თავად არის ბედნიერების წყარო. როცა შენ ივსები შინაგანად, შენ ხდები ენერგეტიკული მაგნიტი და თავისთავად იზიდავს იმას, რაც შენია. ვიზუალიზაციის დროსაც კი ნუ წარმოიდგენ კონკრეტულ ადამიანს, რადგან ეს კვლავ ძალდატანებაა.

წარმოიდგინე შეგრძნება: როგორი ბედნიერი, დაფასებული და სიყვარულით სავსე ხარ შენ. იგრძენი რომ გიყვარს და უყვარხარ, დაუშვი რომ სამყარომ თავად გადაწყვიტოს, ვინ იქნება ეს ადამიანი რომელიც შენს გვერდით უნდა იყოს. ენდე სამყაროს თუ ეს პიროვნება შენი ბედია და თქვენი სულები ერთმანეთს უნდა შეხვდნენ, ის თავისთავად მოვა, ყოველგვარი ჩარევის გარეშე. ხოლო თუ არ მოდის ეს ნიშნავს, რომ წინ გაცილებით უკეთესი და ნამდვილი გრძნობა გელოდება. ნამდვილი სიყვარული არასდროს არის ტყვეობა, ის არის თავისუფლება. ნუ შეხვალთ შეცდომაში და ნუ აზიანებთ საკუთარ სულს წამიერი ემოციების გამო. ნამდვილი ძალა შენს შინაგან სინათლეშია და არა სხვისი ნების გატეხაში. მართე საკუთარი ენერგია, გახდი მაგნიტი ბედნიერებისთვის და შენი ბედი ყოველთვის შენს ხელში იქნება.

ასევე დაგაინტერესებთ:

⭕„ჯვრის გამოსახვა აღიქმება როგორც ენერგეტიკული დაცვისა და გათავისუფლების ჟესტი...“ - თამუნა იოსელიანი ნივრის რიტუალის მნიშვნელობაზე

⭕„საუკეთესო ნახშირწყლებია...“ - არუნ ხათრი მოხარშული გოგრის დადებით თვისებებზე

⭕„ორსულობა და მშობიარობა ასევე კაცის საქმეა, ქალი ატარებს საერთო შვილს და არა მხოლოდ თავისას!“ - რას წერს ლევან შელეგია