ეზოტერიკოსი და მინეროლოგი თამარ იოსელიანი სოციალურ ქსელში პოსტს აქვეყნებს, სადაც აღმოსავლური ჰოროსკოპის ნიშნებისთვის 2026 წლის ასტროლოგიურ პროგნოზს გვთავაზობს.
მისი თქმით, ცეცხლოვანი ცხენი პირველ რიგში დაკავშირებულია საყრდენების, საწყისი წერტილების, საფუძვლებისა და ფუნდამენტების ჩამოყალიბებასთან, როგორც გლობალურ, ისე პირად დონეზე, ამიტომ მნიშვნელოვანია ყველაფერი გაკეთდეს იმისთვის, რომ ადამიანმა მოიპოვოს ეს საყრდენები:
„2026 პროგნოზი აღმოსავლური ჰოროსკოპით:
ამ პოსტში გამოვაქვეყნებ წლის პროგნოზს ყველა ნიშნისთვის წლის მიხედვით.
წელი, წითელი ცეცხლოვანი ცხენის წელი:
ცეცხლოვანი ცხენი პირველ რიგში დაკავშირებულია საყრდენების, საწყისი წერტილების, საფუძვლებისა და ფუნდამენტების ჩამოყალიბებასთან, როგორც გლობალურ, ისე პირად დონეზე. ამიტომ მნიშვნელოვანია ყველაფერი გაკეთდეს იმისთვის, რომ ადამიანმა მოიპოვოს ეს საყრდენები.
ჩვეულებრივი ადამიანისთვის ეს პირველ რიგში უკავშირდება:
ოჯახს, სახლს და უძრავ ქონებას, საოჯახო ბიზნესს, შინაგან და გარე მშვიდობასა და სტაბილურობას.
გახსოვდეთ, რომ წითელი ფერი წლის ფერი, ბრძოლისა და გამარჯვების სიმბოლოა.
ცეცხლი, როგორც წლის სტიქია, ნიშნავს მუდმივ აქტივობას და დაძაბულ ბრძოლას. ვინც პასიური იქნება, ამ ენერგიაში „დაიწვება“, რადგან ასეთი ძლიერი ენერგია აუცილებლად მოითხოვს გამოვლინებას.
აღმოსავლური წლიური ჰოროსკოპი პირველ რიგში დაკავშირებულია სოციალურ და საზოგადოებრივად მნიშვნელოვან მოვლენებთან, ამიტომ პროგნოზის წაკითხვისას ყურადღება გაამახვილეთ არა წვრილმანებზე, არამედ მნიშვნელოვან მიღწევებსა და გრძელვადიან პროცესებზე.
წელი დაიწყება 2026 წლის 17 თებერვალს და გაგრძელდება 2027 წლის 6 თებერვლის ახალმთვარემდე.
ვირთხა - მეგობრები თუ მტრები
ცხენი თქვენკენ მიიზიდავს პარტნიორების ყურადღებას. ადამიანები შენს გარშემო შემოიკრიბებიან, როგორც ფუტკრები თაფლზე. მოგიწევთ მეტი დრო დაუთმოთ:
მოლაპარაკებებს, კონტრაქტების გაფორმებას, პარტნიორულ და პირად ურთიერთობებს. განსაკუთრებით მნიშვნელოვანი ეს იქნება წლის პირველ ნახევარში, შუა ზაფხულის პერიოდამდე, როცა შესაძლოა ბედი მნიშვნელოვან შანსს შემოგთავაზებთ. აუცილებელია დროულად „გადახვიდეთ იღბლიან ხიდზე“.
ივლისიდან შეიძლება გააქტიურდეს საკითხები, რომლებიც უკავშირდება:
კრიზისებს, ინვესტიციებს, საერთო ქონებას, მემკვიდრეობას, ვალებს, დაზღვევას, კრედიტებს.
სერიოზული გადაწყვეტილებები დაგჭირდებათ ოჯახთან, სახლთან, უძრავ ქონებასთან და ნათესავებთან დაკავშირებულ საკითხებში. იმოქმედეთ პასუხისმგებლობით, მოთმინებით და ყურადღებით. ენდეთ ინტუიციას და საკუთარ ცხოვრებისეულ გამოცდილებას.
ხარი „თივის“ ძიებაში?
ცხენის წელს თქვენი შრომისუნარიანობა მკვეთრად იზრდება, რაც დადებითად აისახება შემოსავალსა და კარიერულ წინსვლაზე. აუცილებელია მუდმივი ცვლილებები სამუშაო პროცესში ან საქმიანობის სფეროში, განსაკუთრებით ზაფხულის შუამდე.
ცხენი არ იტანს უმოქმედობას - მოითხოვს დაუღალავ შრომას. თუმცა არ დაგავიწყდეთ ჯანმრთელობა: გადაძაბვა საზიანოა.
განსაკუთრებული ყურადღება მიაქციეთ: ინფორმაციას, მოლაპარაკებებს, მგზავრობებს, სწავლას, ხელშეკრულებებს
აქ წესრიგი და სიზუსტე გადამწყვეტია.
ვეფხვი - ხორცის დახლთან?
წელი მოგიტანთ მრავალ შესაძლებლობასა და „გემრიელ ნადავლს“, თუმცა სწორი არჩევანი საჭიროებს ცოდნას, ინფორმაციას და სწორ მანევრირებას. ეს განსაკუთრებით მნიშვნელოვანია წლის პირველ ნახევარში.
მეორე ნახევარში ყურადღება გადაიტანება შრომაზე, პასუხისმგებლობასა და ჯანმრთელობაზე. საჭირო იქნება რესურსების გონივრული გამოყენება ზედმეტი ხარჯები დაუშვებელია.
კურდღელი - მყუდრო სორო
ცეცხლის ენერგია თქვენგან მოითხოვს აქტიურობასა და შემოქმედებას, მაგრამ ეს შესაძლებელია მხოლოდ მყარ საფუძველზე. ამიტომ ყურადღება მიაქციეთ:
მიწას, სახლს, უძრავ ქონებას, ოჯახს, საოჯახო ბიზნესს. ამ საფუძველზე შეძლებთ წლის მეორე ნახევარში უფრო თამამი და შემოქმედებითი ნაბიჯების გადადგმას. ცხენი გააგრძელებს თქვენი მზადყოფნის გამოცდას - იყავით ყურადღებით და ენდეთ ინტუიციას.
დრაკონი - ცეცხლოვანი აზრი
დრაკონის მთავარი იარაღი აზროვნებაა. წლის პირველ ნახევარში აქტიურად იმუშავეთ ინფორმაციასთან:
სწავლა, კონტაქტები, ვაჭრობა, რეკლამა, დოკუმენტები.
მეორე ნახევარში ფოკუსი გადაინაცვლებს ოჯახზე, სახლსა და მატერიალურ სტაბილურობაზე. ამ პერიოდში განსაკუთრებით მნიშვნელოვანია სიფრთხილე, რადგან შესაძლოა არსებობდნენ ფარული მტრები.
გველი - მარაგი ერთი წლისთვის:
ცხენის წელი გველისთვის არის დაგროვების წელი. გაზარდეთ შემოსავლები, შეიძინეთ ქონება, დაიწყეთ ახალი საქმეები და ინვესტიციები, განსაკუთრებით ზაფხულის შუამდე. მეორე ნახევარში ყურადღება მიაქციეთ კომუნიკაციას, რეკლამას, სწავლასა და კონტრაქტებს. მოსალოდნელია გამოცდები მეგობრებთან და კოლექტივებთან ურთიერთობაში.
ცხენი - პირველი იპოდრომზე!
ეს წელი არ ნიშნავს ავტომატურ წარმატებას. პირიქით ყველაფერი თქვენს აქტიურობაზეა დამოკიდებული. წლის პირველ ნახევარში დაიწყეთ ახალი საქმეები, მეორე ნახევარში კი მათი შედეგები რეალობად იქცევა.
კარიერასა და ბიზნესში დაგჭირდებათ მაქსიმალური პასუხისმგებლობა და მოთმინება. ცხენი სისუსტეს არ გაპატიებთ.
ცხვარი - წმინდა მსხვერპლი?
წლის პირველ ნახევარში შესაძლებელია გაურკვეველი სირთულეები და ძველი პრობლემების დაბრუნება. დაცვა არის მომზადება, გამოცდილება და ინტუიცია.
ზაფხულის შემდეგ იწყება აქტიური პირადი ეტაპი, სადაც შეძლებთ ახალი ცხოვრების დაწყებას. აუცილებელია მორალური სისუფთავე და დისციპლინა.
მაიმუნი - ახალი იმედი
წარმატება მოდის კოლექტიური მუშაობითა და გუნდური პროექტებით, განსაკუთრებით ზაფხულის შუამდე. ამის შემდეგ იწყება განმარტოების, შეცდომების გასწორებისა და წარსულის გადახედვის პერიოდი.
მოერიდეთ სარისკო ინვესტიციებსა და მემკვიდრეობით დავებს.
მამალი - მაღალ ძელზე!
წელი ხელს გიწყობთ კარიერულ წინსვლაში. გამოიყენეთ ყველა შანსი პირველ ნახევარში. მეორე ნახევარში იწყება ახალი პროექტები და ჯგუფური საქმიანობა.
გახსოვდეთ: წარმატებას ყოველთვის ჰყავს კონკურენტები — იყავით ფხიზლად.
ძაღლი - სტატუსი ჯოგში
ეს წელი იდეალურია სოციალური სტატუსის ასამაღლებლად. ისწავლეთ, დაუკავშირდით ავტორიტეტულ პირებს და გამოიყენეთ შანსები ზაფხულის შუამდე. დისციპლინა და პასუხისმგებლობა კრიზისებისგან დაგიცავთ.
ღორი — რკო და ტრუფელები?
ფოკუსი გადადის პარტნიორულ ფინანსურ საკითხებზე: ვალები, კრედიტები, საერთო ქონება. გადაწყვეტილებები მარტივი არ იქნება, მაგრამ შანსები არსებობს წლის პირველ ნახევარში.
წარმატება დამოკიდებულია თქვენს ძალისხმევაზე, რისკის გააზრებულ გამოყენებაზე და ინტუიციაზე“, - წერს თამუნა იოსელიანი.
ასევე დაგაინტერესებთ:
