22 დეკემბერს ზამთრის მზებუდობა და ამავდროულად, თხის რქის სეზონიც იწყება. როგორც ასტროლოგები ამბობენ, თხის რქის პერიოდი სამომავლო მიზნების დასახვისა და განხორციელებისათვის, ასევე განახლებისა და არსებული მდგომარეობის გადაფასებისათვის საუკეთესო პერიოდია.
მზებუდობა კი ასევე, ცხოვრებაში განახლებული ენერგიების შემოსვლასთან ასოცირდება. ამიტომაც, აღნიშნული პერიოდი თითოეული ადამიანისათვის მნიშვნელოვანი იქნება, თუმცა განსაკუთრებით წარმატებული ზოდიაქოს ამ 4 ნიშნისთვისაა.
ქალწული
ზოდიაქოს ამ ნიშნის წარმომადგენლები 22 დეკემბრის მზებუდობის დღეს ძალიან დიდ ენერგიასა და შემართებას იგრძნობენ და შეძლებენ იმის განხორციელებას, რასაც ადრე ვერ აკეთებდნენ, ან კიდევ მოტივაცია არ ჰყოფნიდათ. ეს შეიძლება ეხებოდეს როგორც სასიყვარულო, ასევე საქმიან ურთიერთობებს, სხვადასხვა საქმესა და პროექტს. გარკვეულ მოვლენებსა და ფაქტებს განსხვავებული თვალით შეხედავთ და თქვენს ცხოვრებაში რეალურ, ხელშესახებ ცვლილებებს დაგეგმავთ, რაც სამომავლოდ ძალიან გამოგადგებათ.
ლომი
აღნიშნულ დღეს შესაძლოა, რაიმე განსაკუთრებული იდეა, ან კიდევ რჩევა მიიღოთ, რომელიც თქვენს ცხოვრებას რადიკალურად შეცვლის. მაგალითად, შეიძლება, სატელეფონო ზარი, ელექტრონული შეტყობინება, სმს მიიღოთ, რომელიც 2024 წლისთვის ახალი მიზნის ჩამოყალიბებაში დაგეხმარებათ. იყავით ყურადღებით და წარმატების შანსი ხელიდან არ გაუშვათ.
ტყუპები
22 დეკემბრის მზებუდობის დღეს შესაძლოა, მნიშვნელოვანი მოლაპარაკების წინაშე დადგეთ, რაც ფინანსური თვალსაზრისით, თქვენს ცხოვრებაში არაერთ დადებით ცვლილებას შემოიტანს. მომდევნო ეტაპები აღნიშნული კომუნიკაციის დამსახურებით, თქვენთვის კიდევ უფრო მოგებიანი და საინტერესო იქნება. გარდა ამისა, აღმოაჩენთ, რომ საკუთარი ფინანსებისა და სახსრების გადანაწილების თვალსაზრისით, ოჯახში გარკვეული მიდგომები უნდა შეცვალოთ და ხარჯებს გადახედოთ.
კირჩხიბი
მზებუდობა და მზის მერკურთან შეერთება თქვენი ურთიერთობების სექტორში ხდება. გარდა ამისა, 27 დეკემბერს თქვენს ნიშანში სავსე მთვარეა. ეს კი იმაზე მეტყველებს, რომ სერიოზული ცხოვრებისეული ცვლილებების ზღვარზე ხართ. შესაძლოა, წარსულში დატოვებულმა ურთიერთობებმა კიდევ ერთხელ შეგახსენოთ თავი, ან კიდევ არსებული ურთიერთობების, საქმეების თვალსაზრისით რაიმე რადიკალური გადაწყვეტილება მიიღოთ და ცხოვრების ახალი ფურცელი დაიწყოთ.
🔵 აგრეთვე დაგაინტერესებთ:
🔵„იაქტიურეთ და არ გაჩერდეთ, იწყება თქვენი აღმავლობის პერიოდი“ - კვირის ასტროლოგიური პროგნოზი
🔵 🎥 რატი დურგლიშვილის ზღაპრულად მორთულ სახლი
წყარო: www.beaumonde.ge
