ზაფხული გვიახლოვდება. წელიწადის ეს დრო, როგორც წესი, სიახლეებთან, თავგადასავლებთან, გართობასთან და ბედნიერ მომენტებთან ასოცირდება. ბევრი ადამიანი საკუთარ ცხოვრებას მთლიანად გარდაქმნის, მნიშვნელოვან გადაწყვეტილებებს იღებს, მათ შორის, პირად ცხოვრებაში.
ასტროლოგები ზოდიაქოს იმ ნიშნებს ასახელებენ, რომლებიც 2023 წლის ივნისში ნამდვილ სიყვარულს შეხვდებიან და რომანტიკული ურთიერთობების აწყობას მოახერხებენ:
ქალწული
შესაძლოა, ივნისში ბევრი პასუხისმგებლობა და გაზრდილი ვალდებულებები შეგხვდეთ, მაგრამ საკუთარი შემართებით შეძლებთ, რომ ყველაფერს გაუმკლავდეთ, გაძლიერდეთ, მნიშვნელოვანი გამოცდილება მიიღოთ და ბევრად უფრო თავდაჯერებული გახდეთ. სასიყვარულო ურთიერთობების თვალსაზრისით კი სიახლეები გელით. ასტროლოგების თქმით, შესაძლოა ის ადამიანი, რომელთან ურთიერთობასაც დაიწყებთ, თქვენთან ძალიან ახლოს, მეგობრების, სამსახურის, საგანმანათლებლო სივრცის წრეშია და ახლა ერთმანეთს სულ სხვა თვალით შეხედავთ, ან აღმოაჩენთ. მნიშვნელოვანია, რომ ურთიერთობების არ შეგეშინდეთ. გრძნობის გაცემასთან ერთად, მიღებაც ისწავლეთ და ყველაფერი კარგად იქნება.
მშვილდოსანი
მშვილდოსნებისათვის ივნისის თვე სასიყვარულო თავგადასავლის თვალსაზრისით, ნამდვილად მნიშვნელოვანი თვე იქნება. შესაძლოა, წარსულში დატოვებულ ურთიერთობას კიდევ ერთხელ გადახედოთ, იმ ადამიანისაგან ისევ იგრძნოთ ინიციატივა. ნებისმიერ შემთხვევაში, გადაწყვეტილების მიღება თქვენზეა. მოგიწევთ, კარგად დაფიქრდეთ, გიღირთ, თუ არა ამ ურთიერთობის განახლება, ან თავიდან დაწყება. ასევე, კარგად შეაფასებთ ირგვლივ არსებულ სივრცესა და ადამიანებს. შესაძლოა, სრულიად მოულოდნელად იმას, ვისთანაც ამ ეტაპზე არც ისე სერიოზული ურთიერთობა გაქვთ, მნიშვნელოვანი შანსი მისცეთ, ან საბოლოოდ დაემშვიდობოთ. ივნისი თქვენთვის შინაგანი ტრანსფორმაციის თვედ გადაიქცევა.
მერწყული
მერწყულისთვის ივნისის თვის მთავარი დევიზი იქნება: "გაერთე, მაქსიმალურად". ასტროლოგები ამბობენ, რომ ბევრი გართობის, ბედნიერი დღის პარალელურად, სასიყვარულო თავგადასავალში სრულად ჩართვაც მოგიწევთ. სიყვარულს კარს გაუღებთ და ეს გრძნობა ისე შემოიჭრება თქვენს ცხოვრებაში, რომ რთული დღეებისა და იმედგაცრუებების შემდეგ, ნამდვილ ჯილდოდ მიიღებთ. ნუ შეგეშინდებათ ურთიერთობების. მზად იყავით სიყვარულის მისაღებად და თქვენი ყოველდღიურობაც უკეთესობისაკენ შეიცვლება.
თევზები
ივნისი თქვენთვის შესაძლოა, ინტელექტუალურად დაძაბული თვე იყოს, ამის გამო კი სტრესი და შფოთვა იგრძნოთ. თუმცა, ამავდროულად, ეს თვე დიდხანს გემახსოვრებათ, რადგანაც სიყვარული იქნება ის, რაც აღნიშნული სტრესისა და რთული დღეებისაგან გიხსნით და მოტივაციას მოგცემთ. ყველა შანსი გექნებათ, მნიშვნელოვან ადამიანს შეხვდეთ, არსებული ურთიერთობის ახალ ეტაპზე გადაყვანაზე იფიქროთ, სიყვარულში გამოუტყდეთ მას, ვინც დიდი ხანია მოგწონთ, მაგრამ ვერ ეუბნებით. ამ მიმართულებით, დიდ შემართებას იგრძნობთ და სასიამოვნო თავგადასავალს შექმნით.
აგრეთვე დაგაინტერესებთ:
🔵„დღეს არ ვარგა სახლის მშენებლობის დაწყება, სესხის აღება, ფინანსური გარიგებები“ - მიხეილ ცაგარელი
წყარო: www.beaumonde.ge
