აშშ-ის გამოძიების ფედერალურმა ბიურომ (FBI) ვაშინგტონში, UFC Freedom 250-ის ღონისძიებაზე სავარაუდო თავდასხმა აღკვეთა. ინფორმაციას მედია ოფიციალურ პირებზე დაყრდნობით ავრცელებს.
მათივე ცნობით, დაკავებულია ხუთი პირი, ხოლო გამოძიებამ შესაძლო დანაშაულში ჩართული კიდევ 23 ადამიანი გამოავლინა.
FBI-ს ცნობით, თავდამსხმელები ასაფეთქებელი მოწყობილობებით აღჭურვილი დრონების გამოყენებას გეგმავდნენ და სურდათ UFC-ს ღონისძიებაზე იერიშის მიტანა.
მათივე ინფორმაციით, თავდამსხმელების მიზანი იყო მასობრივი არეულობის შექმნა და ხალხის წინასწარ შერჩეული მიმართულებით გაშვება, სადაც სნაიპერთა ჯგუფი იქნებოდა განთავსებული.
როგორც ცნობილია, გამოძიების ფედერალურმა ბიურომ საფრთხის შესახებ 10 ივნისს მიიღო ინფორმაცია და პარტნიორ უწყებებთან ერთად დაიწყო მუშაობა.
„მიუხედავად იმისა, რომ ეს გამოძიების მუშაობის საუკეთესო შედეგი იყო, ამ სამართალდამცავი გუნდისთვის ეს არც ისე უჩვეულოა – ჩვენ შექმნილი ვართ, რათა გამოვავლინოთ, ვუპასუხოთ და სასამართლოს წინაშე წარვადგინოთ ისინი, ვინც საფრთხეს უქმნიან ამერიკელი მოქალაქეების სიცოცხლეს, განსაკუთრებით ისეთი დიდი შეკრებების დროს, როგორიცაა ისტორიული UFC 250-ის ასპარეზობა. სწორედ ეს გავაკეთეთ აქ. მინდა, მადლობა გადავუხადო ჩვენს შესანიშნავ აგენტებსა და პარტნიორებს, სამუშაო გრძელდება და ჩვენ გავაგრძელებთ საზოგადოების ინფორმირებას“, – დაწერა სოცალურ ქსელში გამოძიების ფედერალური ბიუროს ხელმძღვანელმა, კაშ პატელმა.
⭕ ასევე დაგაინტერესებთ:
⭕ „ფრთხილად იყავით რჩევების გაცემისას“ - 25 ივნისის ენერგიები
⭕„რაც უფრო ღრმად მორწმუნე ხარ, უფრო მეტად მიანდობ შენს სიცოცხლეს უფალს“ - დეკანოზი თეოდორე გიგნაძე
წყარო: isport.ge
