რუსეთის შორეულ აღმოსავლეთში, კამჩატკის სანაპიროსთან მომხდარი ძლიერი მიწისძვრის შემდეგ, ნახევარკუნძულზე მდებარე ვულკანმა, კლიუჩევსკაია-სოპკამ ამოფრქვევა დაიწყო. ამის შესახებ „ანადოლუ“ იუწყება.
რუსეთის ვულკანოლოგიის და სეისმოლოგიის ინსტიტუტის ცნობით, ვულკანის ფერფლი ატმოსფეროში 3 კმ-ის სიმაღლეზე ავიდა.
ცნობისთვის, კამჩატკის ნახევარკუნძულთან 30 ივლისს 8,7 მაგნიტუდის მიწისძვრა მოხდა. ეს უძლიერესი მიწისძვრა იყო 1952 წლის შემდეგ. მიწისძვრამ ცუნამი გამოიწვია, რომელმაც სანაპიროსთან მდებარე რამდენიმე შენობა დააზიანა.
კლიუჩევსკაია-სოპკა მსოფლიოში ერთ-ერთი ყველაზე აქტიური ვულკანია. მისი სიმაღლე 4850 მეტრია.
⭕ ასევე დაგაინტერესებთ:
⭕„შენ ხარ ჩვენი სიხარული და უსაზღვრო სიყვარული“ - გიორგი ძოწენიძის ემოციური პოსტი იუბილარ ქალიშვილს
⭕„საუკეთესო მშობლები“ - სოფია კვინიკაძე მეუღლესთან ერთად გადაღებულ კადრებს აქვეყნებს
