კამჩატკაზე, სოფელ ოქტიაბრსკის მცხოვრებლებმა, სანაპიროზე დაახლოებით 17 მეტრის სიგრძის მკვდარი ვეშაპი აღმოაჩინეს. ვეშაპი სოფლის მახლობლად იპოვეს, რის შემდეგაც თვითმხილველებმა აღმოჩენის შესახებ სპეციალისტებს აცნობეს.
მედია იუწყება, რომ მეცნიერები ამჟამად ვეშაპის სახეობას და სიკვდილის მიზეზს ადგენენ.
ზღვის ძუძუმწოვრების სპეციალისტის, ანასტასია კუნიცას თქმით, ვეშაპის სახეობის საბოლოო იდენტიფიკაციისთვის უფრო მკაფიო ფოტოების გამოქვეყნებას ელოდებიან. სიკვდილის მიზეზი ჯერ კიდევ გაურკვეველია - შესაძლოა, ის მოკლეს ან ბუნებრივი მიზეზებით მოკვდა. გვამი, სავარაუდოდ, ნაპირზე დინებამ გამორიყა.
როგორც წესი, მკვდარი ვეშაპების აღმოჩენის შემდეგ, სპეციალისტები ანალიზისთვის ქსოვილის მცირე ნიმუშებს იღებენ და გვამს ნაპირზე ტოვებენ, განსაკუთრებით თუ ის შორეულ ადგილას მდებარეობს. ზღვის გიგანტის თითოეული სიკვდილი ინდივიდუალურად განიხილება. ფაქტორები, რომლებმაც მათი სიკვდილი გამოიწვია, შეიძლება მნიშვნელოვნად განსხვავდებოდეს.
⭕ ასევე დაგაინტერესებთ:
⭕რა არის „თებერვლის თეორია“? - ვის ელის მტკივნეული დაშორება და ვის - მოულოდნელი სიყვარული?
