ხერსონში უკრაინელი ჟურნალისტი მოკლეს.
მედიის ინფორმაციით, რბოგდან ბიტიკი იტალიურ გამოცემა „რეპუბლიკას“ რეპორტიორს, კორადო ზუნინოს უკრაინის ომის გაშუქებაში ეხმარებოდა, რა დროსაც ის სნაიპერის ტყვიამ იმსხვერპლა.
როგორც „ბი-ბი-სი“ წერს, იტალიელი ჟურნალისტი მხარში დაიჭრა, მის სიცოცხლეს საფრთხე არ ემუქრება.
ამავე ცნობით, ორივე ჟურნალისტს ტყვიაგაუმტარი ჟილეტი ეცვა, რომელზედაც ეწერა, რომ ისინი ჟურნალისტები იყვნენ.
იტალიის საგარეო საქმეთა მინისტრის ანტონიო ტაიანის განცხადებით, იტალიის საგარეო საქმეთა სამინისტრო თანამშრომლობს კიევში საელჩოს თანამშრომლებთან და უკრაინის ხელისუფლებასთან, რათა იტალიელი ჟურნალისტის ევაკუაცია რაც შეიძლება მოკლე ვადაში მოხდეს.
აგრეთვე დაგაინტერესებთ:
🔵 „ჩემთან კონტაქტის გარეშე ნუ მიგზავნით „საჩუქრებს” სარეკლამოდ!“ - მაია ასათიანი
