აშშ-ში, ტეხასის ერთ-ერთ ოლქში წყალდიდობის შედეგად, სულ მცირე, 161 ადამიანია დაკარგული. ამის შესახებ ტეხასის გუბერნატორმა, გრეგ ებოტმა განაცხადა.
კერის ოლქში დაკარგულებს შორის არიან საზაფხულო ბანაკის ხუთი დამსვენებელი და ადმინისტრაციის ერთი წარმომადგენელი.
წყალდიდობის შედეგად ტეხასში დაღუპულია, სულ მცირე, 109 ადამიანი, მათგან 94 კერვილის რაიონში. სტიქიის ზონაში სამძებრო-სამაშველო სამუშაოები კვლავ გრძელდება.
გრეგ ებოტი აცხადებს, რომ საგანგებო სამსახურები ძალისხმევას არ შეწყვეტენ, ვიდრე ყველა დაკარგულს არ იპოვიან. ამასთან, იგი არ გამორიცხავს, რომ უახლოეს დღეებში დაკარგულთა სია გაიზარდოს.
სამძებრო სამუშაოებში ჩართულია ვერტმფრენები და დრონები. წყალდიდობამ ნიუ-მექსიკოს შტატიც დააზარალა.
⭕ ასევე დაგაინტერესებთ:
⭕„დაილოცოს თქვენი დედაშვილობა“ - მარიამ ელიეშვილი პატარა საბასთან ერთად პოზირებს
წყარო: 1tv.ge
