ბერძნული კომპანიის მფლობელობაში მყოფი სატვირთო გემი MV Eternity C წითელ ზღვაში ჰუსიტების თავდასხმის შემდეგ ჩაიძირა. ამის შესახებ Deutche Welle იუწყება.
ეკიპაჟის 5 წევრი მაშველებმა გადაარჩინეს. კიდევ რამდენიმე მეზღვაური ზღვაში, სამაშველო ჟილეტებში იმყოფება, ეკიპაჟის ორი წევრი დაიჭრა, ერთ-ერთმა ფეხი დაკარგა. Reuters-ის ცნობით დაიღუპა ეკიპაჟის 4 წევრი.
სატვირთო გემზე შეტევა 7 ივლისს მოხდა. ჰუსიტების იერიშის შედეგად ის სერიოზულად დაზიანდა.
ჰუსიტების თავდასხმები სავაჭრო გემებზე წითელ ზღვაში განსაკუთრებით 2023 წლის ოქტომბრის შემდეგ გააქტიურდა. პარალელურად ჰუსიტები ისრაელს ბალისტიკურ რაკეტებს და დრონებს ესვრიან.
6 ივლისს ჰუსიტები ბერძნულ გემს, Magic Seas-ს თავს დაესხნენ. დაზიანების გამო ის გემიც ჩაიძირა. ეკიპაჟმა გადარჩენა მოახერხა.
⭕ ასევე დაგაინტერესებთ:
🎥 „ულამაზესი დედა-შვილი“ - სალომე კორკოტაშვილი ოჯახთან ერთად ხორვატიაში ისვენებს
⭕„საოცრად გამოიყურები...“ - მაკა ზამბახიძის ლუქი შორენა ბეგაშვილის დაბადების დღის წვეულებიდან
წყარო: newshub.ge
