თურქი მსახიობი სერენაი სარიქაია ნარკოტიკებთან დაკავშირებული სკანდალის ფარგლებში დააკავეს.
ინფორმაციას თურქული მედია ავრცელებს და წერს, რომ სერენაი სარიქაიასთან ერთად დაკავებულთა სიაში არიან: მომღერალი მაბელ მატიზზე, მსახიობი ონურ თუნა, ფეიზა ჯიველექზე და ბერქაი შაჰინსა.
თურქული მედიის ინფორმაციით, სპეცოპერაცია გამთენიისას, ერთდროულად სტამბოლის რამდენიმე ელიტურ რაიონში ჩატარდა, სადაც ვარსკვლავების მდიდრული ვილები მდებარეობს. სერენაის სახლში ამ დრომდე აქტიური საგამოძიებო მოქმედებები და ჩხრეკა მიმდინარეობს.
კონკრეტულად რაში ადანაშაულებენ სერენაი სარიქაიას?
გამოძიების დეტალები გასაიდუმლოებულია, თუმცა ბაქირქოის პროკურატურიდან გაჟონილი ინფორმაციით, საქმე ეხება აკრძალული ნივთიერებების მოხმარებას.
სამართალდამცავებმა ოპერაცია მას შემდეგ დაგეგმეს, რაც ოფიციალურად გადამოწმდა ანონიმური შეტყობინებები, გაიშიფრა სატელეფონო ჩანაწერები და ციფრული მასალები. სწორედ ამ მტკიცებულებების საფუძველზე გაჩნდა „გონივრული ეჭვი“, რომ სერენაი და შოუბიზნესის სხვა წარმომადგენლები ნარკოტიკულ საშუალებებს მოიხმარდნენ. თურქული მედიის ინფორმაციით, მსახიობი დაკავებულია და უახლოეს საათებში ბიოლოგიური ექსპერტიზა ჩაუტარდება.
⭕ ასევე დაგაინტერესებთ:
წყარო: www.ambebi.ge