„ომსა და მშვიდობას, ქრისტიანობასა და ურწმუნოებას შორის არჩევანის გაკეთებისას რომ 54-11 სხვაობა მიიღეთ, საერთაშორისო ადმინისტრაციას როცა ჩაატარებინებთ არჩევნებს, მაშინ ხომ დამოუკიდებლობასა და საბოლოო კოლონიზაციას შორის ექნება არჩევანი ქართველს და ხომ სულ განადგურდებით? მრჩეველი არავინ გყავთ? დედა? იაგოს რომ ჰკითხოთ?“, - ამის შესახებ „ქართული ოცნების“ საარჩევნო სიის მეექვსე ნომერი თეა წულუკიანი სოციალურ ქსელში წერს.
წულუკიანი ოპოზიციის წარმომადგენლებს უტვინოებს უწოდებს და დასძენს, რომ უმძიმესი საყურებელია, რასაც ოპოზიცია საკუთარ თავს უკეთებს.
„(მაინც) დებო და (მაინც) ძმებო, პოლიტიკას როდის ისწავლით? თავი რომ დავანებოთ ერთი წუთით დავას დიქოტომიების სისწორეზე; ომსა და მშვიდობას, ქრისტიანობასა და ურწმუნოებას შორის არჩევანის გაკეთებისას რომ 54-11 სხვაობა მიიღეთ (აღიარებთ რეალობას, სად წახვალთ?!), როცა საერთაშორისო ადმინისტრაციას ჩაატარებინებთ არჩევნებს (ოცნებაც რომ თანახმა უნდა იყოს, ამაზე არ გიფიქრიათ, მაგრამ მხოლოდ ფიქრზე გაქვთ მარხვა გამოცხადებული დიდი ხანია და არა უშავს), მაშინ ხომ დამოუკიდებლობასა და საბოლოო კოლონიზაციას შორის ექნება არჩევანი ქართველს და ხომ სულ განადგურდებით?! მრჩეველი არავინ გყავთ? დედა? იაგოს რომ ჰკითხოთ?
ძალიან ცუდია ქვეყნისთვის უტვინო ოპოზიცია და რამე მოიფიქრეთ ჭკვიანური. საკუთარი ამომრჩევლის მაინც არ გრცხვენიათ?! მათ შორის ხომ უამრავი მშრომელი და გულწრფელი ადამიანია? ნუ, ჩვენ მათ ვძულვართ და დაგვწვავენ, მაგრამ საქართველო ხომ ედარდებათ? პოლიტიკა, ბევრ სხვა რამესთან ერთად, ამომრჩეველზე ზრუნვა და მისი ფიქრი საით მიდის, ამის ამოცნობა და გათვალისწინებაა და თქვენ რატომ აცოტავებთ თქვენივე რიგებს? თქვენს რიგებს ჩვენ უნდა ვაცოტავებდეთ და დავაცოტავეთ კიდეც, მაგრამ რასაც თქვენ უშვრებით თქვენს თავს, ეს უკვე უმძიმესი საყურებელია.
ps ეს პოსტი არ ეხება ვერ გაქართველებულ სალომე ზურაბიშვილს, რომელიც უცხოელად დაიმარხება, როცა ამის დრო მოუვა“, - წერს წულუკიანი.
აგრეთვე დაგაინტერესებთ:
