საღეჭი რეზინი მსოფლიოში ერთ-ერთი ყველაზე მოხმარებადი პროდუქტია. აღმოჩნდა, რომ ბევრ უარყოფითთან ერთად სასარგებლო თვისებებიც ჰქონია.
თუ ხართ საღეჭი რეზინის მოყვარული უნდა იცოდეთ რა ასაკიდანაა მისი მოხმარება რეკომენდებული და რა მნიშვნელობა აქვს მის შემადგენლობას.
აღნიშნულ თემაზე პედიატრმა, ნუტრიციოლოგმა ნინო თოთაძე გადაცემაში „დილა მშვიდობისა საქართველო“ ისაუბრა და საზოგადოებას მნიშვნელოვანი ინფორმაცია გაუზიარა:
„ვერ ვიტყვით, რომ საღეჭი რეზინი მავნეა. ეს არ არის ახალი პროდუქტი, ძველი ბერძნებიც კი მიმართავდნენ ხის ფისის გამოყენებას. პირველი პატენტი 1870 წლებიდან მოდის და მისი ავტორი იყო სტომატოლოგი, შემადგენლობაში კი შედიოდა ცარცი, მცენარე ძირტკბილას ფესვი, გამოყენებად, დანიშნულებად იყო პირის ღრუში დარჩენილი საკვების გაუნებელყოფება, ასევე სტიმულაცია ზედა და ქვედა ყბის.
საღეჭი რეზინი იწვევს სანერწყვე ჯირკვლების სტიმულაციას, ძლიერდება ნერწყვის გამოყოფა.
რეკომენდებულია ყოველი კვების შემდეგ 15-20 წუთით მისი გამოყენება. თუ დროს გადავაცილებთ, იღლება სახის კუნთი, რაც თავის ტკივილსაც იწვევს, გამოიყოფა კუჭის წვენი, რაც ნაღვლის ბუშტში ქვების დაგროვებას იწვევს.
1 საათით საღეჭი რეზინის დაღეჭვა წვავს 11 კალორიას.
მისი დადებითი თვისებაა ძილიანობის შემცირება, ორსულობის დროს დიდ როლს თამაშობს, ასევე მგზავრობისას.
მისი მიღება არ არის რეკომენდებული 5 წლამდე“, - ამბობს ნინო თოთაძე.
ასევე დაგაინტერესებთ:
