3 მეცნიერული გზა სწრაფად ჩაძინებისთვის

4-7-8 მეთოდი

უპირველესად ენის წვერი წინა ზედა ორ კბილთან მიიტანეთ და გააჩერეთ (მიზანი ენის გარშემო ჩასუნთქვა და ამოსუნთქვაა), შემდეგ:

ცხვირით ჩაისუნთქეთ და 4-მდე დაითვალეთ.

შეიკავეთ სუნთქვა 7 წამის მანძილზე.
ამოისუნთქეთ ისე, რომ ხმა გამოსცეთ.
გაიმეორეთ 4-ჯერ.

მართალია, ღრმად ჩასუნთქვა-ამოსუნთქვა ან ამ პროცესში სუნთქვის შეკავება თითქოს უფრო ამცირებს ძილიანობას, მაგრამ ეს რეჟიმი სინამდვილეში პარასიმპათიკურ ნერვულ სისტემას ააქტიურებს და სხეული დასვენების რეჟიმში გადაჰყავს. ოღონდ, შესაძლოა, 4-7-8-ის მეთოდი პირველ რამდენიმე ცდაზე არ გამოგადგეთ, მაგრამ თუ უფრო ხშირად ცდით, შედეგიც არ დააყოვნებს.

სამხედრო მეთოდი

Navy Pre-Flight School-ში შექმნილი 2-წუთიანი რუტინაა პილოტებისთვის, რომლის შედეგადაც 6 კვირის ვადაში პილოტების 96%-ს 2 წუთი ან უფრო ნაკლები სჭირდებოდა დასაძინებლად. მაშინაც კი, როცა სკამზე ისხდნენ, ყავა ახალი მიღებული ჰქონდათ ან ტყვიამფრქვევის სროლის ჩანაწერს უსმენდნენ. აი, როგორ მუშაობს ეს მიდგომა:

მოადუნეთ მთლიანი სახე — დახუჭეთ თვალები, ნელა, ღრმად ისუნთქეთ, მოადუნეთ სახის კუნთები და მოეშვით.
მოადუნეთ ხელები და მხრები — თავი ისე იგრძენით, თითქოს, სავარძელში ან საწოლში იძირებოდეთ, მოადუნეთ კისერი და ტრაპეციული კუნთები. შემდგომ მარჯვენა ხელის ზემოდან დაიწყეთ და ნელა მოადუნეთ ბიცეფსი, წინამხრები და ხელები. გაიმეორეთ მეორე მხარესაც და არ დაგავიწყდეთ ნელა, ღრმად სუნთქვა.
ამოისუნთქეთ და მოადუნეთ გულმკერდი — მოდუნებული ხელებითა და მხრებით ეს კიდევ უფრო გაგიმარტივდებათ.
მოადუნეთ ფეხები — დაიწყეთ მარჯვენა ბარძაყით და ნება მიეცით თქვენს სხეულს საწოლში ან სავარძელში ჩაიძიროს, შემდეგ გადადით წვივის, კოჭის და ფეხის კუნთებზე, რის მერეც უკვე მეორე ფეხის დრო დგება.

ახლა კი გონების გასუფთავების დროა — არაფერზე ფიქრი კი რთულია, მაგრამ ძალიან უნდა ეცადოთ. წარმოიდგინეთ, რომ სიბნელეში კომფორტულად წევხართ, მაგრამ თუ ესეც არ იმუშავებს:
ეცადეთ 10 წამის მანძილზე გაიმეროთ სიტყვები “არ იფიქრო” — თუ სხვა არაფერი, სულ მცირე იმისგან გადაგატანინებთ ყურადღებას, რაზეც უკვე ფიქრობთ.

4-7-8 მეთოდის მსგავსად, აქაც პრაქტიკა დაგჭირდებათ…

10-3-2-ის მეთოდი

ამ მეთოდს კი ცოტათი უფრო მეტი დროც სჭირდება:

10: დაძინებამდე 10 საათით ადრე ყავა არ დალიოთ, რადგან იგი სისხლის ნაკადის სტიმულირებას იწვევს. 
3: დაძინებამდე 3 საათით ადრე მიირთვით საკვები ან თუ სვამთ, ბოლო ჭიქა, რათა რეფლუქსია შემცირდეს და დარწმუნდეთ, რომ ალკოჰოლი თქვენი ძილის ბუნებრივ ციკლს ვერ დაარღვევს. 
2: დაძინებამდე 2 საათით ადრე შეადგინეთ შემდგომი დღის გეგმა, რადგან ტვინი ახალი იდეების გენერირებისთვის არის და არა, მათ სატარებლად.
1: დაძინებამდე 1 საათით ადრე ეკრანის გამოყენება შეწყვიტეთ, რათა ლურჯ სინათლეს აარიდოთ თავი.

ნუ დაიზარებთ და გახსოვდეთ, კარგად გამოძინება საუკეთესო შედეგების მიღწევაში დაგეხმარებათ. 

⭕ ასევე დაგაინტერესებთ:

⭕ინდოელი წინასწარმეტყველის, აბჰიგია ანანდის პროგნოზი 2026 წლისთვის

⭕„უფალი მხოლოდ მაშინ მოდის შენთან, როცა შენ მოუწოდებ...“ - თეოდორე გიგნაძე

⭕„ჩემო საამაყო შვილო, შენ ხარ მზრუნველი ძმა, მოსიყვარულე მამა და ერთგული მეგობარი...“ - ილია თოფურია იუბილარია