ქოლესტერინის მაღალი დონე (ჰიპერქოლესტერინემია) არის მდგომარეობა, როდესაც სისხლში ჭარბი რაოდენობითაა ცვილისებრი ცხიმოვანი ნივთიერება (ლიპიდები), რამაც შეიძლება გამოიწვიოს არტერიებში ფოლაქების წარმოქმნა (ათეროსკლეროზი) და მნიშვნელოვნად გაზარდოს გულის დაავადებების, ინფარქტისა და ინსულტის განვითარების რისკი.
რა კავშირი აქვს ქოლესტერინის მაღალ დონეს კაცის ჯანმრთელობასთან? - აღნიშნულ თემაზე უროლოგ-ანდროლოგი სოციალურ ქსელში საუბრობს:
„მარტივი მაგალითისთვის: მილი, რომელშიც წყალი მიედინება, ვათავსებთ საცობს, რის შედეგადაც, ლოგიკურია, წყლის მიდინება წყდება.
ახლა მილის მაგივრად სისხლძარღვის კედელი წარმოიდგინეთ, რომელშიც ათეროსკლეროზულ ფოლაქს ვათავსებთ. ამის შედეგად, ლოგიკურია, სისხლის მიდინება წყდება.
ამ ყველაფერს მოჰყვება ერექციის შენარჩუნებისა და სიმყარის პრობლემები, არტერიული ჰიპერტენზია, შაქრიანი დიაბეტი და მოსალოდნელი ინფარქტისა და ინსულტის განვითარების მაღალი რისკი“, - ამბობს სანდრო ჯიბღაშვილი.
ასევე დაგაინტერესებთ:
🎥 „კაცებსა და ქალებში უშვილობის პრობლემა გათანაბრდა“ - რას ამბობს მადონა ჯუღელი
