უშვილობა {უნაყოფობა} განისაზღვრება როგორც ორსულობის მიუღწევლობა 1 წლის განმავლობაში რეგულარული, დაუცველი სქესობრივი ცხოვრების პირობებში, ხოლო 6 თვის განმავლობაში, თუ ქალის ასაკი 35 წელს აღემატება. ეს არის საერთო სამედიცინო პრობლემა, რომელიც წყვილების დაახლოებით 12-18%-ს აწუხებს.
როგორც გინეკოლოგ-რეპროდუქტოლოგი მადონა ჯუღელი BMG-სთან ამბობს, კაცებსა და ქალებში უშვილობის პრობლემა გათანაბრდა:
„ცნობიერება, რომელიც აქამდე არსებობდა, რომ უშვილობა ქალის ბრალი იყო, გათანაბრდა კაცის უშვილობასთან. ასე რომ, როდესაც ვლაპარაკობთ, რომ 35 წლამდე წყვილში არ დგება ორსულობა, ველოდებით 6 თვე, მაგრამ პირველ რიგში კვლევა უნდა დავიწყოთ კაცისგან, პრობლემის შეფასებით. ეს ყველაზე მარტივია, არ სჭირდება მთელი რიგი კვლევები, ვნახულობთ მის ბიოლოგიურ სითხეში ცვლილებებს, არ ცვლილებებს და აქედან მივდივართ.
ამ დროს ანდროლოგის ჩართულობა აუცილებელია. ეს კვლევები უროლოგის გარეშე არ უნდა იყოს წაყვანილი.
მარტო ქალის დიაგნოსტიკა არ არის საკმარისი“, - ამბობს მადონა ჯუღელი.
ვრცლად, იხილეთ ვიდეო 👇
ასევე დაგაინტერესებთ:
🎥 გაიცანით მეტყევე ქალი, რომელიც ბუნების სილამაზეზე 54 წელია ზრუნავს
