ტვირთის აწევით, ტრავმით, არასწორ პოზაში ძილით ან ჯდომით შესაძლოა წელის მიდამოში უსიამოვნო შეგრძნება განგვივითარდეს, რაც მწვავე და ყრუ ტკივილით ხასიათდება. არის თუ არა მედიკამენტური მკურნალობა ასეთ დროს გამოსავალი და რა უნდა ვიცოდეთ იმისთვის, რომ სამუდამოდ დავაღწიოთ თავი წელის ტკივილს? - აღნიშნულ თემაზე გადაცემაში „დილა მშვიდობისა საქართველო“ ნევროლოგმა, ჯანმრთელობის ინსტიტუტის დირექტორმა გოგიტა გეგელაშვილმა ისაუბრა და საზოგადოებას პრაქტიკული რჩევები გაუზიარა:
„მთელი მსოფლიო აღიარებს, რომ ეს არის კუნთების დაჭიმულობა. ჩვენთან ყველა იღებს მაგნიტურ-ბირთვულ რეზონანსს და იძახის დისკის ამოვარდნა მაქვს, თიაქარი მაქვს და არის კატასტროფულ განცდაში. საზოგადოებას აპარატის უფრო სჯერა, ვიდრე სიტყვის.
წელის ტკივილი შეიძლება გამოიწვიოს კუნთის დაჭიმვამ. მაგალითად: დაგივარდათ ნივთი, უხერხულად ავიღეთ.
ადამიანი გამართული არსებაა და ამ გამართვას უხდის ხარკს იმით, რომ გამშლელი კუნთები ავიწყდება. ყველა უნდა გაიზმოროს, ახედოს ცას“, - ამბობს გოგიტა გეგელაშვილი.
ასევე დაგაინტერესებთ:
