ძნელი წარმოსადგენია სამყარო წამლების გარეშე. ეს „ჯადოსნური” ნივთიერებები რომ არა, ცხოვრება გაცილებით ტკივილიანი და ხანმოკლე იქნებოდა, მათი წყალობით კი სიცოცხლის ხარისხი და ხანგრძლივობა უფრო და უფრო იმატებს. წამლები ამცირებს ტკივილს, ებრძვის ინფექციას, აკონტროლებს და არეგულირებს წნევას, სისხლში შაქრის დონეს... მაგრამ ჯერ კიდევ როდის გვაფრთხილებდა პარაცელსუსი, ყველა წამალი შხამია და ყველა შხამი – წამალიო. მიუხედავად იმისა, რომ მას შემდეგ ასწლეულები გავიდა, შეგონებას აქტუალობა არ დაუკარგავს, პირიქით, სამკურნალო საშუალებათა არნახული მომრავლების ფონზე მეტი მნიშვნელობა შეიძინა.
დიახ, წამალი შესაძლოა საწამლავად გვექცეს, თუ არასწორ დროს, არასწორი დოზით, არასწორი ხანგრძლივობით გამოვიყენებთ, არასწორად შევინახავთ ან არასათანადო საკვებთან ერთად მივიღებთ.
რა ზიანი შეიძლება მიაყენოს ორგანიზმს სხვადასხვა პრეპარატების ერთდროულად მიღებამ - აღნიშნულ თემაზე გადაცემაში „შუადღე“ ვახტანგ ბოჭორიშვილის სახელობის კლინიკის ექიმმა ანა შაკაიამ ისაუბრა:
„ალბათ არ არსებობს ადამიანი, რომელსაც წამალი, მედიკამენტი არ მიუღია. წამალმა რომ თავის ფუნქცია შეასრულოს, გვარგოს ამისთვის სწორად უნდა დავიცვათ პირობები, როგორიცაა დოზირება, ინტერვალი, რაოდენობა, ურთიერთმოქმედება.
რა ეტაპს გადის წამალი, როცა ჩვენ მას ვიღებთ?
მიღება, შეწოვა, მეტაბოლიზმი, ორგანიზმიდან გამოდევნა.
ერთად მიღება არ შეიძლება:
ოპიოიდური ტკივილგამაყუჩებელი ➡️ ანტიდეპრესანტი ➡️ ანტიალერგიული პრეპარატი
ანთების საწინააღმდეგო პრეპარატი ➡️ სისხლის გამათხელებელი
მაგნეზიუმი ➡️კალციუმი
ც ვიტამინი ➡️ ბ12 ვიტამინი“, - ამბობს ანა შაკაია.
ასევე დაგაინტერესებთ:
⭕აღმოსავლური ჰოროსკოპის 5 ნიშანი, რომელთათვისაც 2025 წლის აპრილი განსაკუთრებით წარმატებული იქნება
