ყავების აფიორა, რომლითაც საწამლავს გასმევენ - აღნიშნულ საკითხზე ვრცელ ვიდეოს „იუთუბის“ საკუთარ არხზე ნუტრიციოლოგი თორნიკე ენუქიძე აქვეყნებს.
იგი განმარტავს ყავის მარცვლების დამუშავების ტექნიკას, დეტალურად ხსნის ყავის პროცენტულობას ჩვენს მიერ შეძენილ პროდუქტში და გვირჩევს რომელი ყავის მიღება არის უმჯობესი ორგანიზმისთვის.
როგორც თორნიკე ენუქიძე ამბობს, ერთჯერადი ყავები, რომლებსაც რძიანს ვეძახით, დიდი რაოდენობით შაქარს შეიცავს და მათში ყავის შემცველობის რაოდენობა მინიმალურია, ამიტომ ის მისაღებად უვარგისია:
„ყავის ორი სახეობა გვაქვს, „რობუსტა“ და „არაბიკა“. ყავაში შემავალი კოფეინი კი ჩვენ გვაფხიზლებს. მცენარისთვის ეს არის პესტიციდი და თავს იცავს მწერებისგან და პარაზიტებისგან.
„რობუსტა“ ზღვის დონიდან შედარებით დაბლა იზრდება, სწორედ ამიტომ ამ მცენარეს ბევრი პარაზიტი აწუხებს, მას სჭირდება თავის დაცვა. ჩვენთვის ის უფრო ძლიერია და კოფეინის შემცველობაც მაღალია, „არაბიკასთან“ შედარებით. ის უფრო მსუბუქი და გემრიელი დასალევია.
ყავის მარცვლებს ასევე განასხვავებენ ხარისხით, სპეციალური საცერის გამოყენებით აცალკევებენ შედარებით ჯანსაღ მარცვლებს.
ყავის მარცვალს ორი გზით გადააქცევენ პროდუქტად: პირველი არის სუბლიმაცია ანუ გაყინვა. ჯერ მარცვალი ხვდება ძალიან ცივ გარემოში, რომლის საშუალებით აშრობენ თუმცა მისი სასარგებლო თვისებები ნარჩუნდება. მეორე ეს არის შესახურებითი გაშრობა, რომლის პროცესი უარესია. ნაცვლად გაყინვისა, ძალიან ცხელ ჰაერში ვაშხურებთ ყავის ექსტრაქტს. ყველაფერი სარგებელი დაკარგული აქვს და მეტი ნეგატივის მომცემია ორგანიზმისთვის.
რძიან ყავაში, რომლის შეფუთვა 20-გრამიანია, 14 გრამი აქედან შაქარია. 67% მთლიანი პროდუქტის არის შაქრები. შესაბამისად გამოფხიზლების ნაცვლად იწვევს გლუკოზის მატებას. ამიტომ გვინდება ახალი ენერგიის წყაროს მიღება და გვინდება რამდენჯერმე ასეთი ყავის დალევა.
ასეთი ყავები იწვევს ანთებით პროცესებს, ტრანსცხიმების მონელების შეფერხებას, რადგან ასეთი ცხიმები მრავლად გვხვდება ყავებში.
ჩემი რჩევა იქნება ასეთი ყავების მიღებას თავი დაანებოთ“, - გვირჩევს თორნიკე ენუქიძე.
ვრცლად, კომენტარებში:
⭕ ასევე დაგაინტერესებთ:
