მიუხედავად იმისა, რომ თანამედროვე საზოგადოებაში ცრურწმენების ძალიან ცოტა სივრცეა, ადრე ისინი ისტორიის ნაწილს წარმოადგენდნენ, რამაც დიდი როლი ითამაშა მაშინდელი კულტურისა და საზოგადოების ჩამოყალიბების საკითხში. თუმცა დღესაც არის ერი, რომელთაც აქვთ ცრურწმენების საკუთარი კომპლექტი ტრადიციულად შემორჩენილი. აქედან გამომდინარე კი მინდა წარმოგიდგინოთ ყველაზე გავრცელებული ცრურწმენები:
1. შავმა კატამ გადაგირბინათ?
ეს ძალზე გავრცელებული ცრურწმენა, რომელიც დღესაც ატარებს არსებით ხასიათს შუა საუკუნეებში აღმოცენდა. მაშინ რატომღაც მიაჩნდათ, რომ გასათხოვარ ქალს თავი შორს უნდა დაეჭირა კატებისგან, ვინაიდან კატის სული ეშმაკთან ასოცირდება. ამიტომ მანდილოსნებს, რომლებსაც ჰყავდათ სახლში კატები და უყვარდათ ისინი, ვერ გათხოვდებოდნენ სწორედ ზემო ხსენებული მიზეზის გამო, ვინაიდან კატის სხეულში არსებული დემონური სული იმოქმედებდა ქალის აურაზე.
2. ღამით საღეჭი რეზინის ღეჭვა ახლობლის სიკვდილის მომასწავებელია.
თურქეთში დამკვიდრებული ცრურწმენა, რომლის თანახმად, ვინც საღეჭ რეზინს ღამით დაღეჭდა, აუცილებლად ახლობელი დაეღუპებოდა.
3. ცხენის ნალი წარმატებისთვის და თვალისგან დასაცავად.
ეს ცრურწმენაც მოგეხსენებათ, რომ ფართოდ გავრცელებულია და ბევრი თქვენგანი დღესაც ხედავს ვინმეს ან საკუთარი კარის თავზე მიმაგრებულ ნალს, რომელიც ძველი ცრურწმენებიდან გამომდინარე ბოროტი თვალისგან დასაცავად და წარმატების საწინდრად გამოიყენებოდა, ვინაიდან სტანდარტულ ნალს აქვს შვიდი ხვრელი, შვიდი რიცხვი კი როგორც მოგეხსენებათ ბედნიერებასთან ასოცირებული რიცხვია.
4. პარასკევს თუ 13 რიცხვი დაემთხვა.
პარასკევი დღის 13 რიცხვი 19-ე საუკუნეში ცრუმორწმუნეთა წყაროდ იქცა, ხოლო მასზე კონკრეტული ინფორმაცია თუ ვინ და რის საფუძველზე მოიგონა, არ არსებობს. უბრალოდ დღესაც შემორჩა ხალხს ამაზე რწმენა და 13 რიცხვის პარასკევ დღეს საქმეს, ბიზნესი იქნება ეს, ბანკეტი თუ მგზავრობა, თავს არიდებს, უბრალოდ სჯერათ რომ ეს დღე დაწყევლილია და წარუმატებელი იქნება.
5. ჩიტის სკლინტს სიმდიდრე მოაქვს.
რუსეთში გავრცელებული ფორმაა ეს ცრურწმენა, რომლის თანახმად თუ ჩიტმა თქვენ ან თქვენს მანქანას დაასკლინტა, უეჭველი ფულთან ან სიმდიდრესთან გექნებათ საქმე.
6. ერთი ასანთით სიგარეტის სამ ღერზე მოკიდება.
ყირიმის ომიდან პირველ მსოფლიო ომამდე იყო ეს ცრურწმენა გავრცელებული, რომლის თანახმად, სამი ჯარისკაცი, რომლებიც ერთი ასანთის ღერით მოუკიდებდნენ თამბაქოს, უეჭველი მტრის ტყვიის მსხვერპლი გახდებოდა, ვინაიდან სანამ ისინი ბოლთას სცემდნენ, სნაიპერისთვის ადვილი შესაძლებელი იყო მოუმზადებელი ჯარისკაცისთვის შუბლი გაეხვრიტა. თუმცა დღესაც საკმაოდ გვრცელებული ფორმაა.
7. ე.წ. ნიჩურიტი.
ნიჩურიტი, ანუ თითების გადაჯვარედინება უძველეს ხასიათს ატარებს, თითების გადაჯვარედინებას უძველეს დროში ქრისტიანები გამოიყენებდნენ ბოროტი სულების განსადევნად, ვინაიდან თითებს ჯვრის ფორმა ეძლეოდა. თუმცა მას ჩვენს დროში თეთრი ტყუილისთვის იყენებენ.
8. დაცემინებაზე „ჯანმრთელობის“ თქმა.
დღესაც ფართოდ გავრცელებული ფორმაა დაცემინების დროს შემდეგი ფრაზები: „ჯანმრთელობა, დღეგრძელობა“ და ა.შ. ამ ცრურწმენას კი დასაბამი პაპი გრიგოლი დიდმა მისცა, რომლის თქმითაც დაცემინების დროს ადამიანის სხეულს სული ტოვებდა და მას უსურვებდნენ ზემო ხსენებულს, რათა სული წარმატებით დაბრუნებოდა სხეულს.
9. თარსი 13 რიცხვი.
დღემდე უცნობია თუ რატომ თვლიან 13 რიცხვს წარუმატებლად და თარსად, თუ რომელი ჭორის საფუძველზე და სად შეიქმნა ამ რიცხვზე ამხელა აჟიოტაჟი. უბრალოდ ბევრი დღესაც გაურბის ამ რიცხვს, მაგ: არ აგებენ 13 საფეხურიან კიბეს, 13 სართულიან შენობას და ა.შ.
10. ხელის გულის ქავილი.
მრავალი ვარიაცები არსებობს ამ ცრურწმენასთან დაკავშირებით, რომლის თანახმადაც თუ მარცხენა ხელის გული გექავებათ, აუცილებლად ფულს მიიღებთ, თუ მარჯვენა- დაკარგავთ. ორივე ხელის გულის ქავილის შემთხვევაში კი უმჯობესია ექიმს გაესინჯოთ.
აგრეთვე დაგაინტერესებთ:
⭕მათ ჭკუაში ვერ აჯობებთ - ყველაზე გონებამახვილი სამი ნიშანი
⭕როგორი ამინდია მოსალოდნელი საქართველოში 20-22 აპრილს - გარემოს ეროვნული სააგენტოს პროგნოზი
⭕ნიდერლანდების მთავრობამ შესაძლოა Facebook-ზე ოფიციალური გვერდები დახუროს
