ავტოსაგზაო შემთხვევის შედეგად, ხობის სოფელ ხეთაში, ერთი ადამიანი დაიღუპა, ერთი კი დაშავდა.
გავრცელებული ცნობით, მსუბუქი ავტომობილი გზის სავალი ნაწილიდან გადავიდა და ელექტრო გადამცემ ბოძს შეეჯახა.
შემთხვევის შედეგად 25 წლამდე ახალგაზრდა ქალი გარდაიცვალა. უცნობია ავარიის გამომწვევი მიზეზი.
მანქანაში სულ ოთხი პირი იჯდა, მათგან ორს დაზიანებები არ მიუღიათ, ხოლო ერთი დაშავებული მგზავრი სხვადასხვა სახის ტრავმებით ზუგდიდის რეფერალურ ჰოსპიტალშია გადაყვანილი.
როგორც „დაიჯესტს“ შინაგან საქმეთა სამინისტროში განუცხადეს მომხდარზე გამოძიება სსკ-ის 276 მუხლით დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.
აგრეთვე დაგაინტერესებთ:
⭕დღეს, 16 სექტემბერს სკოლებში ახალი სასწავლო წელი დაიწყო
⭕ხვიჩა კვარაცხელიამ „კალიარის“ გაუტანა
⭕შორენა ბეგაშვილი თურქეთის სანაპიროზე გადაღებულ პიკანტურ ფოტოებს აქვეყნებს
წყარო: rustavi2.ge
