კამერაზე აღბეჭდილი რეალობა, რომელიც განაჩენად იქცა. ფოტოგრაფების შემზარავი ისტორია პროფესიული მოვალეობის შესრულებით იწყება. ირაკლი გედენიძე 14 წლის წინანდელ მოვლენებს იხსენებს. ჰყვება, როგორ აიძულებდნენ, გათხრილ საფლავთან, არარსებული ბრალი ეღიარებინა.
ყველაფერი 2011 წლის 26 მაისის აქციით დაიწყო - მაშინ, როცა ფოტორეპორტიორმა მშვიდობიანი დემონსტრაციის დარბევისას დასახიჩრებული ადამიანების ამსახველი მასალა გადაიღო. ირაკლი გედენიძემ ფოტოები REUTERS-ს მიაწოდა, სადაც ის პრეზიდენტის ადმინისტრაციის ნებართვით და შეთავსებით მუშაობდა. კადრების გავრცელებიდან თითქმის თვე-ნახევრის შემდეგ, 7 ივლისს, მეუღლესთან ერთად, ჯაშუშობის ბრალდებით დააკავეს. გათხრილ საფლავთან აღიარების მოთხოვნით მუქარა გამონაკლისი არ ყოფილა. უსწორდებოდნენ ფიზიკურად და მუშაობდნენ გამოგონილი ბრალის რამდენიმე ვერსიაზე, მათ შორის - უცხო ქვეყნის სპეცსამსახურებთან თანამშრომლობასა და ქართული ჯარის ღალატზე.
ცოლით მუქარამ გაჭრა - ირაკლი გედენიძემ ჯაშუშობის ბრალი აღიარა. გამოგონილი ბრალდების აღიარება მოუწია მის მეუღლესაც. ნათია გედენიძე ე.წ. მოდულის შენობიდან 48-საათიანი დაკავების შემდეგ გაათავისუფლეს.
მეტის გასაგებად იხილეთ ვიდეო:
⭕ ასევე დაგაინტერესებთ:
🎥 2 დღე პაპის კონკლავამდე - ვატიკანი თეთრი კვამლის მოლოდინშია
⭕„ამბობენ, კაკუნის ხმა დღემდე ისმისო...“ - სახლი თბილისში, რომელიც ღვინით არის აშენებული
