თბილისში, ნინოშვილის ქუჩაზე, პოლიციამ საგამოძიებო მოქმედებისას ორი პირი დააკავა.
როგორც „დაიჯესტს“ შინაგან საქმეთა სამინისტროში განუცხადეს, შსს-ს თანამშრომლები, ერთ-ერთ სისხლის სამართლის საქმესთან დაკავშირებით, მოსამართლის განჩინების საფუძველზე, ნინოშვილის ქუჩაზე საგამოძიებო მოქმედებას ატარებდნენ, რა დროსაც ორი მოქალაქე არ დაემორჩილა სამართალდამცავი უწყების წარმომადგენლებს.
„მათ საგამოძიებო მოქმედების თავიდან არიდების მიზნით, სცადეს გაქცევა, პოლიციის 2 თანამშრომელს ავტომობილით შეეჯახნენ და მიაყენეს დაზიანებები, რა დროსაც პოლიციამ განახორციელა გამაფრთხილებელი გასროლა.
გამოძიება სისხლის სამართლის კოდექსის 353-ე მუხლით მიმდინარეობს“, - განაცხადეს შინაგან საქმეთა სამინისტროში.
⭕აგრეთვე დაგაინტერესებთ:
🎥 „ყველა პასუხი სწორია...“ - რისი ქალაქია ქუთაისი ბუდუ ზივზივაძის აზრით?
