26 ივნისის საღამო და 27 ივნისის ღამე ქართველებისთვის დაუვიწყარი და ემოციებით სავსე აღმოჩნდა. საქართველოს ეროვნული ნაკრების მიერ მოპოვებულმა გამარჯვებამ არა მარტო ჩვენი ქვეყნის საზოგადოება, არამედ მსოფლიო აალაპარაკა.
ქვეყნის ყველა ქალაქში ისტორიული თამაშის შემდეგ მოქალაქეები გულანთებულები ქუჩაში გამოდიოდნენ და ერთმანეთს ისტორიულ გამარჯვებას ულოცავდნენ. ამ ღამეს არავის ეძინა, დიდსა თუ პატარას ჯერ ფეხბურთის ყურებისას არ მოუხუჭავთ თვალი, შემდეგ კი გამარჯვებით გამოწვეულმა ემოციებმა არ მისცათ ამის საშუალება.
ეს ყველაფერი კი ქართველმა ფეხბურთელებმა გააკეთეს, მათი დამსახურებით ჩვენი ხმა მსოფლიოს გავაგონეთ, სიყვარული კი ყველას დავანახვეთ.
26 ივნისის საღამოს დაწყებული თამაში თავიდანვე წარმატებულად დაიწყო საქართველოსთვის, საბოლოოდ კი ჯვაროსნებმა ლეგენდარულ კრიშტიანუ რონალდუს და მის გუნდს მარცხი აწვნიეს.
2:0 ასეთია საქართველო - პორტუგალიის მატჩის შედეგი, რომელიც ქართველი ერის გამარჯვებით დასრულდა.
ასევე დაგაინტერესებთ:
⭕ხვიჩა კვარაცხელიას გოლი პორტუგალიასთან ევროპის ჩემპიონატის უსწრაფესი გოლების ხუთეულში შევიდა
